काठमाडौं । सोमबार नेपाली बजारमा सुनको भाउ तोलामा दुईसय रुपैयाँले घटेको छ । नेपाल सुनचाँदी व्यवसायी महासंघले सोमबारका लागि छापावाल सुनको भाउ एकतोलाको ५१ हजार आठसय रुपैयाँ तोकेको छ ।
आइतबार छापावाल सुन तोलाको ५२ हजार रुपैयाँमा किनबेच भएको थियो । आइतबारको तुलनामा सोमबार एक तोलामा दुईसय रुपैयाँ कम भएको छ ।
सोमबार तेजाबी सुनको भाउ पनि तोलामा दुई सय रुपैयाँ घटेर ५१ हजार पाँचसय ५० रुपैयाँमा किनबेच भइरहेको छ ।
चाँदीको भाउ तोलामा पाँचरुपैयाँ घटेको छ । आइतबार तोलाको ७ सय रुपैयाँमा किनबेच भइरहेको चाँदी सोमबार छ सय ९५ रुपैयाँमा करोबार भइरहेको छ ।