काठमाडौँ । ड्रागन एयरले आफ्ना फष्ट एवं विजनेश क्लास यात्रुलाई उडानमा विषेश सुविधा दिने भएको छ । कम्पनीले यि दुई क्लासमा उडान गर्ने यात्रुलाई ताजा इल्ली कफि खुवाउने जनाएको हो ।
इटालीको ख्यातिप्राप्त कफि उत्पादक इल्लीसँगको सहकार्यका कारण यात्रुले उडानका क्रममा स्वादिष्ट कफिको आनन्द लिन सक्ने कम्पनीको दावि छ ।
यात्रुले विश्वका ख्यातिप्राप्त कफिसपमा विताए जस्तै समय उडानको क्रममा समेत व्यतित गर्न सक्ने कम्पनीद्वारा जारी विज्ञप्तिमा उल्लेख गरिएको छ । ड्रागन एयरको क्याटरिङले जिम्मेवारी पुर्वक डार्क-रोष्टेड कफि उडानक्रममा सर्भ गर्ने जनाइएको छ ।
कम्पनीको क्याटरिङ टिमले इल्लीसँगको सहकार्यमा यात्रुका लागि विषेश कफि पिलो प्याक डिजाइन गरेको छ । यो कफिमा उत्कृष्ट स्वादका अलावा सुगन्ध, छुवाइ, हेराइ एवं परिक्षण गरि पाँच विशेषता रहेको कम्पनीको दावी छ । ड्रागन एयरको इन्फ्लाइट सेवाका महाप्रवन्धक ब्रिआन युएनले उडानको खाद्य तथा पेयमा यात्रुलाई विषेश आनन्द दिने आफुहरुको मुख्य ध्येय रहेको बताएका छन् ।