अहिले अन्तर्राष्ट्रिय बजारमा कच्चा तेलको मूल्य हेर्दा यो अर्थतन्त्रको माग र आपूर्तिको सिद्घान्त अनुरुप चलिरहेको देखिन्छ । तर, कुनै बैकल्पिक स्रोतको बिकल्प बिना नै तेलको मूल्य केही महिना देखी निरन्तर ओरालो लागेको छ ।

यसरी निरन्तर रुपमा तेलको मूल्यमा गिरावट आउनुले विश्व तेल बजार सँग प्रत्यक्ष — अप्रत्यक्ष चासो राख्ने जो कोहिलाई अलमलमा पारेको छ । 
 

अतः हालको मूल्य गिरावटले हामीलाई केहि न केहि राहत अवश्य दिएको छ । यसरी मूल्य घट्दा हुने फाईदालाई कसरि पूँजीकृत गर्ने भन्ने सोचको बिकास अपरिहार्य देखिन्छ । तर, सरकारले यसमा कुनै गम्भिरता भने देखाएको छैन । जून हाम्रो लागी दुर्भाग्य हो । 
 

सतहबाट हेर्दा यसका दुई कारण देखिन्छन्, पहिलो विश्व अर्थतन्त्रमा देखिएको स्थिरता एवं त्यसले ल्याएको उत्पादन गतिविधिको न्यूनता । त्यो भन्दा पनि दोस्रो महत्वपूर्ण कारण चाहिँ तेल उत्पादन राष्ट्रको साझा संस्था ओपेकले हालै दिएको उत्पादन कटौती नगर्ने संकेत ।
 

उदाउँदा शक्ति राष्ट्रहरु चिन, भारत, रसिया आदिको ब्रिक्स मार्फतको घनिष्टता, चिन र रसिया बिचको दुई पक्षिय ब्यापार सम्झौता आदीबाट चिढिएका अमेरीका लगाएतका पश्चिमी शक्तिले केहि समय सम्म तेल मुल्य मार्फत चलखेल जारी राख्नेछन् । साथै भेनेजेयुला, मेक्सिको ,इराक, इरान आदि सँग अमेरिकी व्यवहार र सम्बन्धले पनि तेलको मूल्यमा प्रभाव कायमै राख्नेछ ।