—

उदाहरणको लागि कसैले बैंकबाट कर्जा लिएको छ भने बैंकलाई सुरक्षण दिनुपर्छ । त्यो सुरक्षण नष्ट भएर कर्जा उठाउन नसक्ने अवस्था आयो भने बैंक पनि डुब्यो । यसको अर्थ त्यो सम्पत्तिमा जसको स्वार्थ रह्यो, त्यसमा उसले सुरक्षण खोज्छ । तेस्रो पक्ष त्यो सम्पत्तिमा संलग्न छैन भने त्यसमा चाँही बुझाउन हामीलाई केही असजिलो भएको छ । 

यहाँ पाँच लाखको जोखिम एक हजार प्रिमियम तिरेर अन्यत्र सार्न सकिन्छ । सवारी साधन चलाउने वा यातायात व्यवसायीले यो जोखिमलाई राम्रोसँग बुझ्नु भएको छ । धेरैले सवारी साधनको बृहत र केहीको तेस्रो पक्ष बीमा मात्रै गर्नुभएको छ । यसले पनि निर्जीवन बीमामा एक किसिमको तरंग ल्याएको छ, उछाल ल्याएको छ । हुनत यसलाई वाध्यात्मक अवस्थासँग पनि जोडेर हेर्न पनि सकिन्छ । 
 

उनीहरुको टाउको दुखेपनि राजधानी नै आउनु पर्ने कि उपचार त्यहीं नै हुने? बीमामा डकुमेन्टेसनको कुरा पनि हुन्छ । हामीले तेस्रो पक्ष बीमामा कस्तोसम्म देख्यौं भने औलामा चोट लागेको छ तर टाउकोको एमआरआई गरियो । दिनभर आइसीयुमा बसेर युट्युव हेरेको पनि देखियो, यस्ता समाचार आएका पनि छन् । त्यसैले स्वास्थ्यमा पनि ठूलै चलखेल हुन्छ, यो त व्यवसायिकता होइन । यहाँ कमिशन एजेन्टको खेल छ । लागेको खर्चको उचित क्षतिपुर्ति दिन केही गाह्रो छैन । बीमा कम्पनीको कुनै अविभावक नै नभएजस्तो जति मन लाग्छ त्यति बीमा कम्पनीबाट लैजाउ भन्नु त भएन नि, इक्विटिवल जस्टिक्स हुनुपर्छ । स्वास्थ्य उपचारमा एजेन्टको चलखेलले हामीलाई हच्काएको हो ।

चिनियाँ राष्ट्रपतिको एउटा भनाइ छ, कुनै क्षेत्रमा आकर्षण देखियो भने सबै एकैपटक आकर्षित हुदैनन, एक एक गरेर हुने हो तर कसैले तर्सायो भने सबै एकैपटक भाग्छन् । ठीक यस्तै बीमा कम्पनी पनि कुनै क्षेत्रमा आकर्षित हुँदा एक एक गरेर पुग्छन, तर्सिए भने, विकृति आयो भने एकै पटक बाहिरिन्छन् ।