काठमाडौं। सुनको भाउ तोलामा दुईसय रुपैयाँले सस्तो भएको छ। सोमबार प्रतितोला ५२ हजारमा कारोबार भएको सुन मंगलबार ५१ हजार आठसय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।

सोमबार तीनसय रुपैयाँ बढेर ५२ हजार पुगेको सुनको भाउ मंगलबार फेरि दुईसय घटेको छ।

पछिल्लो केही दिन यता सुनको भाउ स्थिर जस्तै देखिएको छ। फागुन ६ गते यता सुनको भाउमा ठुलो उतारचढाव आएको छैन। व्यवसायीका अनुसार फागुन ६ यता सुनको भाउ ५१ हजार सातसयदेखि ५२ हजारको बीचमा कारोबार भइरहेको छ।

सुनको भाउ घटेको दिन चाँदीको भाउमा पनि थोरै परिवर्तन देखिएको छ। मंगलबार चाँदी तोलाको सातसयमा कारवबार भइरहेको छ। यसअघि सोमबार चाँदी प्रतितोला सातसय पाँच रुपैयाँमा कारोबार भएको थियो।