काठमाडौं । जनउत्थान सामुदायिक लघुवित्त विकास बैंकको प्राथमिक सेयरमा हालसम्मकै धेरै गुणा आवेदन परेको छ । यो लघुवित्तले ९० लाखको साधारण सेयरका लागि आवेदन खुला गर्दा दुई अर्ब ९५ करोडको आवेदन परेको छ ।
सर्वसाधारणमा जारी गरीएको शेयर भन्दा ३२७ गुणा बढि आवेदन परेको जनउत्थानले जनाएको छ । बैंकका कार्यकारी प्रमुख दिलिप कुमार पोखरेलले हालसम्मकै बढी गुणा आवेदन परेको जनाएका छन् ।
बैंकले यहि फागुन १७ देखि २० गतेसम्म ९० हजार कित्ता शेयर सर्वसाधारणको लागि निश्कासन गरेको थियो । कन्चनपुर देखि मकवानपुरसम्मको १० जिल्ला कार्यक्षेत्र र रहेको यो सस्थाको मुख्य कार्यालय बुटवलमा छ ।
हालसम्म कायम रहेको चुक्ता पूँजी एक करोड १० लाख छ भने सर्वसाधारणलाई सेयर दिएपछि दुई करोड हुनेछ । सस्थाले हालसम्म चितवन, नवलपरासी, रुपन्देही, पाल्पा, बाँके, बर्दिया, कैलालीमा समेत गरी सात वटा शाखा संचालन गरेको छ ।
बरुणमा पनि एक सय गुणा बढी
बरुण हाइड्रोको साधारण सेयरमा पनि एक सय गुणा बढीको आवेदन परेको छ । कम्पनीले कर्मचारी र सामूहिक लगानी कोष बाहेक सर्वसाधारणलाई चार करोड ५१ लाख रुपैयाँ बराबरको सेयर निष्कासन गरेकोमा चार अर्व ४१ करोड रुपैयाँको आवेदन परेको छ ।
‘निश्कासन गरेको भन्दा एक सय गुणा बढी आवेदन पर्यो,’ विक्री प्रबन्धक सिभिल क्यापिटलका प्रमुख कार्यकारी अधिकृत भिष्म चालिसेले बिजमाण्डूसँग भने ।