काठमाडौं । नेपाल लाइफ इन्स्योरेन्स कम्पनीले ५६ लाख २० हजार रुपैयाँको मृत्यु दाबी भुक्तानी गरेको छ । कम्पनीले गोरखा स्थायी घर भएका स्व धनबहादुर श्रेष्ठकी श्रीमतीलाई यो रकम हस्तान्तरण गरेको हो ।
श्रीमती श्रेष्ठले कम्पनीले मृत्यूदावी भूक्तानी प्रक्रियालाई उच्च प्राथमिकतामा राखी अत्यन्त सहजरुपमा सम्पन्न गरेकोमा खुशी व्यक्त गरेकी छन् ।
मृत्यु दाबी रकम कम्पनीका प्रमुख कार्यकारी अधिकृत विवेक झाले उषाकुमारी श्रेष्ठलाई हस्तान्तरण गरेका हुन् । बीमितले बीमाङ्क ५० लाख रुपैयाँको बीमाशूल्क बापत वापत दुई किस्ताको जम्मा नौं लाख ७२ हजार २८० रुपैयाँ मात्र बुझाएका थिए ।
कम्पनीले बीमाङ्कमा आर्जित बोनस रकम ६ लाख २० हजार थप गरी ५६ लाख २० हजार रुपैयाँ भुक्तानी गरेको हो ।
यो दावी भुक्तानी नेपाल लाइफ इन्स्योरेन्स कम्पनीको हाल सम्मकै सर्वाधिक ठूलो रहेको जनाएको छ ।
