काठमाडौं । मेगा बैंकले साढे ६ प्रतिशतसम्म ब्याज दिने गरी दुई वटा मुद्दति योजना ल्याएको छ । बैंकले ६५ दिने र १२० दिने दुई वटा मुद्दति योजना ल्याएको हो ।
.jpg)
६५ दिने मुद्दति खातामा ६ प्रतिशत बार्षिक ब्याजको रकम ६५ दिनमा भुक्तानी पाइन्छ । १२० दिने मुद्दति खाता खोलेमा ६.५ प्रतिशत बार्षिक ब्याजको भुक्तानी १२० दिनमै पाइनेछ ।
मुद्दति निक्षेपको अवधि समाप्तीसँगै साँवा तथा ब्याजको रकम आफ्नो ब्याज आर्जित खातामा स्वतः जम्मा हुने बैंकले जनाएको छ । न्यूनतम मौज्दात दुई लाख रुपैयाँ रहेको यो योजना व्यक्तिगत खाताका लागि लागू हुने छ ।
ग्राहकले निःशुल्क रुपमा एससिटी डेबिट कार्ड, चेकबुक, अनलाइन बैंकिङ सुविधा, एकाउन्ट स्टेटमेन्ट, एबीबीएस सुविधा प्राप्त गर्न सक्नेछन् । यो खाता खोल्ने ग्राहकले निक्षेपको ९० प्रतिशतसम्म ओभरड्राÏट सुविधा पाउनेछन् । यो खाता मेगा बैंकको देशभर छरिएका २८ वटा शाखाबाट खोल्न सकिनेछ ।
