काठमाडौं । सोमबार सुनको भाउ तोलामा दुईसय रुपैयाँले बढेको छ । सोमबार सुन तोलाको ५१ हजार आठसय रुपैयाँमा कारोबार भइरहेको छ ।

नेपाल सुनचाँदी व्यवसायी महासंघका अनुसार आइतबार ५१ हजार ६ सय रुपैयाँ रहेको सुन प्रतितोला दुईसयले बढेको हो । आइतबार भने सुनको भाउ स्थिर थियो ।

सुनको भाउमा सामान्य परिवर्तन भएको दिन चाँदीको भाउ भने स्थिर छ । महासंघका अनुसार आइतबार जस्तै सोमबार पनि चाँदीको भाउ तोलाको ६ सय ९५ रुपैयाँ छ ।