काठमाडौं । स्कोडा कारको नेपालका लागि आधिकारिक विक्रेता एमएडब्लुले नेपाली ग्राहकका लागि आकर्षक योजना ल्याएको छ । एमएडब्लुले ल्याएको नयाँ योजना अनुसार अब ग्राहकले चारलाख ७९ हजार रुपैयाँ तिरेर स्कोडा र्यापिड कार पाउनेछन् ।
यस्तै कम्पनीले ग्राहकको सुविधालाई ध्यानमा राखेर कुनैपनि पुरानो कारसँग स्कोडा रेपिड कार साट्दा एक्सचेन्ज बोनस तथा स्कोडाकै कार सँग नयाँ स्कोडा रेपिड कार साट्दा आकर्षक लोयल्टी बोनस योजना पनि ल्याएको छ । यस्तै विशेष सुविधा अनुरुप स्पट एक्स्चेन्ज, फाईनान्स र तुरन्तै डेलिभरीको सुविधासँगै आफ्नो पुरानो गाडीको पनि उचित मूल्य दिइने कम्पनीले जनाएको छ ।
रेपिड कार एक्टिभ प्लस, एम्विसनप्लस र एलिजेन्स गरी तीन वटा सेगमेन्टमा उपलब्ध छ । १६ सय सिसीको यो कार आफ्नो श्रेणीमा सबैभन्दा लामो, मजबुत र सुपथ मुल्य भएको आरामदायी युरोपियन सेडान कार भएको कम्पनीले दावी गरेको छ ।
यो कारको ग्राउण्ड क्लियरेन्स एकसय ६८ एमएम छ । गाडीमा एयर व्याग, एन्टि लक ब्रेकिङ सिस्टम लगायतका सुविधा रहेका छन् । स्कोडाले पेट्रोल र डिजेलबाट चल्ने छुट्टाछुट्टै कार बजारमा ल्याएको हो ।
यस्तै कम्पनीले स्कोडा कारको एक्सचेन्ज क्याम्प पनि सञ्चालन गर्ने भएको छ । थापाथलिस्थित स्कोडाको शोरुममा वैशाख १० देखि १७ गतेसम्म एक्सचेन्ज क्याम्प सञ्चालन हुनेछ । ग्राहकले स्कोडा शोरुममा गई रेपिड कारको टेष्ट ड्राईभ गर्दा आकर्षक उपहार पनि पाउने कम्पनीले जनाएको छ ।
कम्पनीले यो योजना वैशाख १० गतेदेखि सिमित अवधिको लागि ल्याएको जनाएको छ । चार लाख ७९ हजार डाउन पेमेन्टमा आएको यस्तो योजना युरोपियन सुविधायुक्त कार प्रयोग गर्ने उपयुक्त अवसर भएको कम्पनको भनाई छ । अन्य ब्राण्डका कार प्रयोग गरिरहेकाहरुको लागिपनि स्कोडा कार प्रयोग गर्ने उपयुक्त अवसर यही हुन सक्ने कम्पनीले जनाएको छ ।