काठमाडौं । भारतीय मुद्रा कमजोर भएपछि अमेरिक डलरको मूल्य १०१ रुपैयाँ ६२ पैसा पुगेको छ । गत सातासम्म ९९ रुपैयाँको हाराहारीमा रहेको डलरको मूल्य करिव दुई रुपैयाँले बृद्धि भएको हो ।
नेपाल राष्ट्र बैंकले शुक्रबारका लागि डलरको मूल्य करिव १०२ रुपैयाँ कायम गरेको हो ।
भारतीय रुपैयाँ र नेपाली रुपैयाँबीच स्थिर विनिमय दर भएकाले डलर बलियो हुँदा भारु कमजोर हुन्छ । स्थिर विनिमय दर एक सय भारु बराबर नेपाली १६० रुपैयाँ हुने हुँदा डलर बलियो हुँदा नेपाली रुपैयाँ पनि कमजोर हुन्छ ।
अमेरिक रोजगार दर बढेको र सुन तथा युरो कमजोर भएपछि डलर महँगिएको हो ।
सुनपछि सबैभन्दा सुरक्षित लगानीका रुपमा डलरलाई लिइन्छ । सुनको मूल्य केही घटेपछि डलरमा लगानीकर्ताको आकर्षण वढ्छ । यसैका कारण डलर बढेर नेपाली रुपैयाँ कमजोर भएको हो ।