काठमाडौं । विनाशकारी भूकम्पबाट पिडीतहरुको सहयोगार्थ नेपाल उद्योग परिसंघले महसंचार समेतको सहकार्यमा राहत वितरण कार्यलाई निरन्तरता दिएको छ ।परिसंघ र मह संचारको पहलमा संचालित नागरिक राहत कोष मार्फत गत सोमबार देखिनै प्राकृतिक विपत्तिमा परेकाहरुको सहयोगार्थ विभिन्न जिल्लाहरुमा विविध राहत सामाग्री वितरण गरेको थियो ।
परिसंघले विभिन्न खाद्यान्न सामग्री गोरखा जिल्लाका भूकम्प पिडीतहरुका लागि राष्ट्रिय योजना आयोगका पूर्व उपाध्यक्ष एवं पूर्व राजदुत डा. शंकर शर्माले गोरखा जिल्ला सदरमुकाममा प्रमुख जिल्ला अधिकारीलाई हस्तान्तरण गरिएको छ ।
मंगलबार नुवाकोट जिल्लाको वट्टारमा आयोजित कार्यक्रममा परिसंघबाट वरिष्ठ कलाकारद्वय मदनकृष्ण श्रेष्ठ र हरिवंश आचार्यले नुवाकोट जिल्लाका प्रमुख जिल्ला अधिकारीलाई विभिन्न राहत सामाग्री हस्तान्तरण गरे ।परिसंघले चामल, चिउरा, चाउचाउ, त्रिपाल र कम्बल वितरण गरेको हो ।परिसंघले अहिलेसम्म ६० लाख रुपैयाँ वरावरको राहत वितरण गरेको जनाएको छ ।