‘भूकम्पका कारण हुन गएको धनजनको क्षती प्रति हामी धेरै दुःखी छौं । जुन साहसका साथ नेपाली नागरिकले यो हृदयविदारक पिडाको सामना गरे हामी त्यसको सरहाना पनि गर्दछौ,’ ह्यालबर्गले भने, ‘टेलियासोनेराको यो सहयोगले राहत तथा उदार काममा थप मद्दत पु¥याउने विश्वास छ । हामी नेपाल सरकारलाई सहयोग प्रभावित परिवारमा पुग्ने सुनिश्चितताको अनुरोध गर्छौ ।’
वैशाख १२ को महाभूकम्प लगत्तै टेलियासोनेराले भूकम्प पिडितका सहयोगार्थ दश लाख अमेरिकी डलरको सहयोग गर्ने प्रतिबद्घता जनाएको थियो । एनसेलले पनि पुनर्निर्माणका लागि तीन बर्षमा एक अर्ब रुपैयाँ सहयोग गर्ने प्रतिबद्घता जनाएको छ ।‘देशको दीर्घकालीन लगानीकर्ता र प्रमुख मोबाइल सेवा प्रदायकको रुपमा टेलियासोनेरा र एनसेल नेपालको प्रगतिका लागि सधैं प्रतिवद्ध छौं । यस विशेष परिस्थितिमा तत्कालिन राहत र दीर्घकालिन पुनर्निर्माणमा हामी पनि सहयोगी हुनेछौं,’ उनले भने ।एनसेलले प्रदान गर्ने एक अर्बको पुनर्निर्माण सहयोग रकम कहाँ र कसरी खर्च गरिने भन्ने विषयमा छलफल सुरु गरेको एनसेलका प्रमुख कार्यकारी एरिम टाईलानलारले बताए । ‘पुनर्निर्माण सहयोग रकम कहाँ र कसरी उपयोग गर्ने बारेमा कुनै निर्णय भईसकेको छैन । यति पक्का हो कि टेलियासोनेरा र एनसेलले दीर्घकालिन सोच राखेर यसको सदुपयोग गर्नेछ,” टाईलानलारले भने ।
रकमको सदुपयोगको लागि स्थानिय तथा अन्तर्राष्ट्रिय विषेशज्ञहरुसँग छलफल भइरहेको उनले बताए ।वैशाख १२ को भूकम्प लगत्तै आफ्ना ग्राहकलाई सम्पर्क सुनिश्चित गर्न र राहत तथा उद्धार कार्यलाई सघाउन एनसेलले भुकम्पको पहिलो १० दिनसम्म १ अर्ब ६० करोड रुपैयाँ बराबरको निःशुल्क ब्यालेन्स तथा एसएमएस प्रदान गरेको दावी गरेको छ ।गत बर्ष पहिरो र बाढीले प्रभावित हजारौं परिवारको राहत र पुनःस्थापनाका लागि एनसेलले २० करोड रुपैयाँ सहयोग प्रदान गरेको थियो ।