काठमाडौं । बुधबार सुनको भाउ केही सस्तो भएको छ । मंगलबारको भाउको तुलनामा बुधबार सुनको भाउ तोलामा दुईसय रुपैयाँले घटेको हो ।
नेपाल सुनचाँदी व्यवसायी महासंघका अनुसार बुधबार सुन तोलाको ५२ हजार तीनसय रुपैयाँमा कारोबार भइरहेको छ । यसअघि मंगलबार सुनको भाउ तोलाको ५२ हजार पाँचसय रुपैयाँमा कारोबार भएको थियो ।
बुधबार चाँदी पनि पाँच रुपैयाँ सस्तो भएको छ । बुधबार चाँदी तोलाको सातसय ३० रुपैयाँमा कारोबार भइरहेको छ । यसअघि मंगलबार चाँदी तोलाको सातसय ३५ रुपैयाँमा कारोबार भएको थियो ।