काठमाडौं । ग्लोबल आइएमई बैंक र सक्षम एक्सेस टु फाइनान्स कार्यक्रमको सहकार्यमा ग्लोबल आइएमई बैंकले बैतडीको पाटन नगरपालिकामा एक्सटेन्सन काउण्टर सेवा सुरु गरेको छ । एक्सटेन्सन काउण्टरको पाटन नगरपालीकाका कार्यकारी अधिकृत दशरथ ओडले उदघाटन गरे ।
बैतडीको सदरमुकामदेखि ४० किलोमिटर टाढा रहेको पाटन नगरपालीकामा यसअघि ग्लोबल आइएमई बैंकले शाखारहित बैंकिङ सेवा प्रदान गर्दे आइरहेको थियो ।
कार्यक्रममा ग्लोबल आइएमई बैंककासहायक प्रमुख कार्यकारी अधिकृत श्री द्रिपुधोज अधिकारी तथा सक्षम कार्यक्रमका समूह प्रमुख बलजित बोहराको उपस्थिती रहेको थियो ।