विश्व पूँजी बजारको दशकौंको अभ्यासले सहि र अब्बल प्रमाणित गरिसकेको यस कारोवारको राम्रा पक्षलाई अनुसरण गदै अगाडी बढ्दा हाम्रो पूँजी बजारलाई अवश्य लाभ नै हुन्छ । 
 

यसमा कारोवारीले प्रत्येक कारोवार वापत बिक्रीकर्ता लाई प्रिमियम बुझाउनु पर्छ । तर, अप्सनकोे प्रयोग गर्ने नगर्ने उसको अधिकार भने सधैं सुरक्षित हुन्छ । अर्थात घाटा हुने अवस्थामा प्रिमियम मात्र बुझाउने तर अरु कारोवार नगर्न पाउने अधिकारनै अप्सनको सबै भन्दा सुन्दर पक्ष हो ।
 

त्यस कम्पनीको सेयर मूल्य सात सय ३८ रुपैयाँ (स्ट्राइक मूल्यमा प्रिमियम जोड्ने) भन्दा माथि भएमा अप्सन होल्डरलाई फाइदा हुन्छ र उसले आफ्नो खरिद गर्न पाउने अधिकारको प्रयोग गर्छ । तर, कारोवारको अन्तिम दिनसम्म सेयरको मूल्य सात सय ३८ रुपैयाँभन्दा माथि गएन भने अप्सन होल्डरले त्यस अप्सनको प्रयोग नगर्न पनि पाउँछ, तर प्रिमियम भने तिर्नुपर्छ । 
 

स्ट्राइक मूल्य सेयरको मूल्य भन्दा बढी भएमा कल अप्सन होल्डरले आफ्नो अधिकारको प्रयोग गदैनन् भने कम भएमा पुट अप्सन होल्डरले पनि कारोवार गदैनन् । जसलाई आउट अफ द मनी भनिन्छ । तसर्थ अप्सन एक अत्यन्त महत्वपूर्ण जोखिम ब्यवस्थापन गर्ने औजारको रुपमा विश्व पूँजि बजारमा प्रचलिन छ । यसले लगानीकर्ताहरु चाहे त्यो सेयर बजारका होस् वा कमोडिटी बजारका, दुबै बजारमा आउने अप्रत्यासीत मूल्य परिवर्तनमा जोखिम न्युनीकरण गर्न सहयोग गर्छ ।