सानिमा बैंकले नेपाली बैंकिङ क्षेत्रमा नै पहिलो पटक स्वयं सेवा यन्त्र (केआईओएसके) प्रणालीको सुरुवात गरेको छ । बैंकका अध्यक्ष बिनयकुमार श्रेष्ठले केआईएसओएसके सेवाको सुरुवात गरे ।
नयाँ सेवाको सुरुवातसँगै ग्राहकले विभिन्न बैंकिङ सेवाहरु लाइन नबसी लिन सक्ने बैंकले जनाएको छ । केन्द्रीय कार्यालयबाट सुरु गरिएको यो सेवा बैंकका सबै शाखाहरुमा विस्तार गरिने बैंकले जनाएको छ ।
नयाँ सेवाबाट बैंकले स्टेटमेन्ट प्रिन्ट गर्ने, चेक डिपोजिट गर्नेलगायतका काम सजिलै गर्न सक्ने बैंकले जानकारी दिएको छ । यो यन्त्रबाट सबै सेवा २४ सै घण्टा सञ्चालन हुने बैंकले जनाएको छ ।
कार्यक्रममा बैंकका प्रमुख कार्यकारी अधिकृत भुवन दाहालले ग्राहकलाई नयाँ सेवा दिन पाएकोमा खुशी व्यक्त गरे ।