काठमाडौं । तीन बाणिज्य बैंकहरुको स्प्रेड दर तोकिएभन्दा वढी कायम गरेका छन् । बैंकहरुले प्रकाशित गरेको वित्तीय विवरण अनुसार, कर्जामा लिने र निक्षेपमा दिने ब्याजको अन्तर तीन बैंकले फराकिलो राखेका हुन् ।
Bank | ASHAD 071 | Ashad 072 | Bank | ASHAD 071 | Ashad 072 |
Grand Bank | 4.68% | 6.75% | Sunrise Bank | 5.00% | 4.30% |
Agriculture | 6.07% | 5.82% | Machapuchre Bank | 4.97% | 4.28% |
SBI | 4.93% | 5.43% | BOK | 4.31% | 4.23% |
SCBNL | 7.09% | 4.92% | Citizens bank | 4.99% | 4.13% |
Nepal Bank | 4.83% | 4.89% | Global IME Bank | 5.34% | 4.11% |
prabhu Bank | 5.12% | 4.84% | Lumbini Bank | 4.37% | 3.95% |
Everest bank | 5.69% | 4.76% | Sanima Bank | 4.35% | 3.91% |
NIBL | 5.41% | 4.46% | Laxmi | 3.77% | 3.72% |
NB Bank | 4.32% | 4.43% | Nabil Bank | 5.71% | 3.71% |
SIDDHARTHA BANK | 4.94% | 4.35% | Mega Bank | 4.32% | 3.62% |
Prime Bank | 2.93% | 4.35% | NIC Bank | 4.06% | 3.52% |
Himalayan | 4.54% | 4.35% | NCC | 3.42% | 3.48% |
CIVIL | 3.36% | 4.33% | Century Bank | 3.48% | 3.47% |
Kumari Bank | 3.62% | 3.16% | Janata | 3.88% | 3.44% |
NMB Bank | 3.97% | 3.33% |
केन्द्रीय बैंकले पाँच प्रतिशतभन्दा वढी ब्याज अन्तर हुन नहुने निर्देशन दिएपनि ग्रान्ड बैंक, कृषि विकास बैंक र नेपाल एसबिआइ बैंकको स्प्रेड दर वढी देखिएको छ । ग्रान्डको ६.७५, कृषि विकासको ५.८२ र एसबिआइको ५.४३ प्रतिशत स्प्रेड दर छ । बाँकी बैंकले पाँच प्रतिशतभन्दा कमनै स्प्रेडमा कारोबार गरिरहेका छन् ।
सबैभन्दा कम स्प्रेड कुमारी, एनएमबी, जनता, सेञ्चुरी, एनसिसी बैंकको छ । चार प्रतिशतभन्दा तल स्प्रेड हुने यि बैंकसहित लुम्बिनी, सानिमा, लक्ष्मी, नबिल, मेगा र एनआइसी एसिया बैंक पनि छन् ।
झन्डै पाँच प्रतिशतको हाराहारीमा स्ट्यान्डर्ड चार्टर्ड बैंक नेपाल ४.९२ प्रतिशत छ भने नेपाल बैंकको ४.८९, प्रभु ४.८४, एभरेष्ट ४.७६ प्रतिशत छ ।
बैंकहरुले स्प्रेड दरका कारण नाफामा संकुचन आएको बताइरहँदा गत बर्ष ३२ प्रतिशतले खुद नाफा बृद्धि गरेका छन् । बैंकहरुले २६ अर्ब ५२ करोड रुपैयाँ खुद नाफा गरेका हुन् । खुद ब्याज आम्दानीसमेत १२.२५ प्रतिशतले बढेको छ ।