काठमाडौं । ग्लोबल आईएमई बैंकले काठमाडौंको थानकोटमा नयाँ शाखा स्थापना गरेको छ । ग्लोबल बैंकको यो ८८औं शाखा हो ।
ग्लोबल आइएमई बैंक सञ्चालक समितिका अध्यक्ष चन्द्र प्रसाद ढकालले सोमबार शाखा उदघाटन गरेका हुन् । शाखा उद्घाटन कार्यक्रममा बैंकका प्रमुख कार्यकारी अधिकृत अनिल ज्ञवाली, नायब प्रमुख कार्यकारी अधिकृत जनक शर्मा पौड्याल लगायतको उपस्थिती थियो ।
थानकोटमा खोलिएको नयाँ शाखासँगै ग्लोबल आइएमईको शाखा संख्या ८८ पुगेको छ । काठमाण्डौँ उपत्यका भित्र मात्रै यो बैंकका शाखा ३१ पुगेको छ ।
‘सबैंका लागि बैंक’ भन्ने मुल नाराका साथ नौँ बर्षअघि खोलिएको बैंकले गुणस्तरीय बैंकिङ सेवाको साथमा अत्याधुनिक मोवाइल बैंकिङ सेवा, अनलाईन बैंकिङ सेवा तथा बिभिन्न मुलुकबाट रेमिट्यान्स्सेवा प्रदान गर्दे आइरहेको छ ।
