काठमाडौं । प्रिमियर इन्स्योरेन्स कम्पनीले इलाम नगरपालिकामा शाखा स्थापना गरेको छ । सञ्जाल र सेवा विस्तार गर्ने उद्देश्यले यो इन्स्योरेन्सले इलाममा शाखा सञ्चालन गरेको हो ।
कम्पनीका मूख्य प्रबन्धक दिपेन्द्र राज गौतमले कार्यालय उद्घाटन गरेका हुन् । शाखा उद्घाटनमा विभिन्न बैंक तथा वित्तीय सस्थाका प्रमुख, उद्योगी व्यवसायी तथा कार्यालय प्रमूखहरुको उपस्थिती थियो ।
कम्पनीले विगत २१ वर्ष देखि निर्जीवन बीमा सेवा प्रदान गर्दे आएको छ । गत बैशाख १२ गतेको विनाशकारी भूकम्पको कारणले कूल आठ सय २८ वटा दावी परेको र यस मध्ये ५५ प्रतिशत फर्छोट गरिसकेको जानकारी पनि दिइएको छ । कम्पनीले हालसम्म १६ करोड ११ लाख रकम दावी भूक्तानी दिएको हो ।
