काठमाडौं । सुनको भाउ फेरि ५१ हजार रुपैयाँबाट तल झरेको छ । मंगलबार बढेर ५१ हजार पुगेको सुनको भाउ बुधबार तोलामा २ सय ५५ रुपैयाँले घटेर ५० हजार ८ सयमा आइपुगेको हो ।
यसअघि सोमबार सुनको भाउ तोलाको ५० हजार ८ सय ५० रुपैयाँ थियो । मंगलबार एक दिन बढेपनि बुधबार फेरि घटेको नेपाल सुनचाँदी व्यवसायी महासंघले जनाएको छ ।
महासंघका अनुसार चाँदी पनि सस्तो भएको छ । चाँदी तोलामा ५ रुपैयाँले सस्तो हुँदै ६ सय ७५ रुपैयाँमा किनबेच भइरहेको महासंघले जनाएको छ ।