काठमाडौं । सेयर बजार आज पनि दोहोरो अंकले घटेको छ । बजार १२.४१ अंक ओर्लिएर १०४४ अंकमा आएको छ । कारोबार रकम भने केही वढेको छ ।
दिनभरीमा ११४ कम्पनीका ३३ करोड ३० लाख रुपैयाँको सेयर कारोबार भएको छ । कुल पाँच लाख ८४ हजार १४ कित्ता सेयर किनबेच भएको हो ।
सबै सुचकहरु ओरालो लागेका छन् । बिमा ६४ अंकले तल झरेको छ भने जलविद्यु्त ३५ र बैंकिङ १४ अंक तल ओर्लिएको छ ।
बजारमा नेपाल लाइफको चार करोड २५ लाख रुपैयाँको किनबेच भएको छ भने नबिल संस्थापक दुई करोडको किनबेच भएको छ । एभरेष्ट बेंकको एक करोड ९३ लाखको कारोबार भएको छ ।
बजार घट्दा पनि नेपाल ग्रामिण विकास बैंक, मिर्मिरे माइक्रोफाइनान्स, इन्टरनेशनल डेभलपमेन्ट बेंकका लगानीकर्ताले कमाएका छन् । गुमाउनेमा एस डेभलपमेन्ट बैंक, राप्तीभेरी विकास र एनसिसी बैंकका लगानीकर्ता छन् ।