काठमाडौं । यस साता नेपाल स्टक एक्सचेन्जमा १ सय ५० कम्पनीको सेयर कारोबार भएको छ । जस अनुसार १२ हजार ६ सय १५ कारोबारबाट एकअर्ब २४ करोड १२ लाख २० हजार रुपैयाँ बराबरका २४ लाख ३६ हजार ६ सय ३० कित्ता सेयरहरु खरिद बिक्री भएको नेपाल स्टक एक्सचेन्जले जनाएको छ ।
अघिल्लो साताको तुलनामा यो साता कारोबार रकम ६३.७८ प्रतिशते बढेको छ । अघिल्लो साता १ सय ४३ कम्पनीको कारोबार भएको थियो । जस अनुसार ४८ सय ६८ कारोबारबाट ७५ करोड ८२ लाख ३३ हजार रुपैयाँ बराबरका १५ लाख ८७ हजार तिन सय ९० कित्ता सेयर खरिद बिक्री भएका थिए ।
कारोबार रकमका आधारमा उत्कृष्ट पाँच कम्पनी
कारोबार रकममा सुधार आएपनि साताको नेप्से परिसूचक पहिलो दिनको तुलनामा २७.३७ अंकले घटेर अन्तिम दिन १०४४.०१ अंकमा पुगेको स्टक एक्सचेन्जले जनाएको छ । साताभरमा ‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स पहिलो दिनको तुलनामा ५.९२ अंकले घटेर २२५.३७ अंकमा आइपुगेको छ ।
यस साता कारोबार रकमका आधारमा नेपाल लाइफ इन्स्योरेन्स कम्पनी अग्रस्थानमा रहेको छ । उसको आठ करोड ८१ लाख १० हजार रुपैयाँ बराबरको सेयर किनबेच भएको थियो । यो साता सिद्धार्थ इक्विटी ओरिएन्टेड स्किमको सेयर धेरै कित्ता कारोबार भए भने कारोबार संख्याका आधारमा अपी पावर कम्पनी अग्रस्थानमा रहे ।
यो साता पाँच वित्तीय संस्थाका सेयर सूचीकृत भए क्लिन भिलेज माइक्रोफाइनान्सको चार लाख कित्ता, रिलायबल माइक्रोफाइनान्सको पाँच लाख कित्ता, वोमी माइक्रो फाइनान्सको तीन लाख कित्ता र नेपाल ग्रामीण विकास बैंकको ५५ लाख ७५ हजार कित्ता सेयर सूचीकृत भए ।
यस साता नेपाल स्टक एक्सचेन्जको कारोबार कक्ष नियमित कारोबारका लागि पाँच दिन खुला रहेको थियो । यस साता पनि ऋणपत्रतर्फ संस्थागत तथा सरकारी ऋणपत्रको कुनै पनि कारोबार भएन ।