काठमाडौं । यातायात व्यवस्था विभागले स्वरोजगार मजदुर तर्फ ट्याक्सी दर्ताका लागि आवेदन दिने मध्ये गोला प्रथाबाट पाँच सय जनालाई छनौट गरेको छ । स्वरोजगार मजदुर तर्फबाट ६ हजार दुई सय ५३ जनाले ट्याक्सी दर्ताका लागि आवेदन दिएका थिए ।
विभागले यस अघि नै सर्वसाधारणका तर्फबाट आवेदन दिनेहरुलाई गोलाप्रथाबाटै छनौट गरिसकेको छ । शनिबार मजदुरतर्फका आवेदक छानिएको हो । विभागले ट्याक्सी दर्तागर्न पाउनेको नाम आफ्नो वेबसाइट र गोरखापत्रमा सार्वजनिक गर्ने जनाएको छ ।
गोलाप्रथाबाट छानिएकाहरुले २०७३ असार मसान्त भित्र आफनो नाममा टयाक्सी दर्ता गरि सक्नु पर्नेछ ।