काठमाडौं । सेयर बजारले फेरि पनि नयाँ उचाइ छोएको छ । बजार २.०५ अंकले उक्लिएर १२४० अंकमाथि पुगेको छ ।
मंगलबार कारोबार रकममा पनि सुधार आएको छ । दिनभरीमा १११ कम्पनीका ५६ करोड रुपैयाँ बराबरको सेयर किनबेच भएको छ ।
होटल र बिमावाहेकका सबै सुचकहरु उकालो लागेका छन् । सबैभन्दा वढी विकास बैंक उक्लिएको छ भने झर्नेमा होटल समूह छ ।
दिनभरीमा नेपाल इन्भेष्टमेन्टको संस्थापक चार करोड २४ लाख र साधारण तीन करोड ३० लाख रुपैयाँको सेयर कारोबार भएको छ । नेपाल एसबिआइको तीन करोड २५ लाख र ग्लोबल आइएमइको दुई करोड ४७ लाख रुपैयाँको किनबेच भएको छ ।