निगमको बबरमहलस्थित केन्द्रीय कार्यालयमा सत्तारुढ एमाओवादी, मोहन वैद्य नेतृत्वको क्रान्तिकारी कम्युनिस्ट पार्टी र नेत्रविक्रम चन्द नेतृत्वको नेकपा-माओवादीका विद्यार्थी संगठनहरुले धर्ना दिएका हुन्।
अन्तरराष्ट्रिय बजारमुल्य अनुरुप पेट्रोलियम पदार्थको मुल्य समायोजन गर्न उनीहरुले माग गरेका छन्। शक्ति र पहुँचको दुरुपयोग गरी तोकको आधारमा नेपाल आयल निगमबाट पेट्रोलियम पदार्थ वितरण गर्ने अवस्थाको अन्तय गर्न उनीहरुले माग गरे।
पेट्रोलियम इन्धनको उत्पादन, आफूर्ति र भण्डारणको दीर्घकालीन रणनीति बनाउन पनि उनीहरुले माग गरेका छन्।