काठमाडै। न्यू मिडिया, उद्यमशीलता प्रवर्द्धन, सूचना प्रविधि र पर्यटन क्षेत्रमा लगानी गर्ने लक्ष्यका साथ एमएण्डएस होल्डिङ कम्पनीको सुरुवात भएको छ। एमएण्डएस चारवटा कम्पनी मुभर्स एण्ड सेकर्स मिडिया प्रालि, नेक्स्ट भेन्चर कर्प प्रालि, वोर्कसप्रो प्रालि र मुभर्स एण्ड सेकर्स इभेन्टस् प्रालि मिलेर बेनेको हो ।
कम्पनीले म्यागजिन बारेका आम मानिसहरुको परम्परागत धारणालाई बदल्ने प्रयासस्वरुप साप्ताहिक भिडियो भिम्याग म्यागजिन प्रकाशित गर्न लागेको पनि जनाएको छ। प्रेरणादायी कथा, फेसन, जीवनशैली, प्रविधि, अर्थ गतिविधि, कर्पोरेट र पर्यटनका क्षेत्रमा यस म्यागजिनले काम गर्ने जनाइएको छ ।
नेक्स्ट भेन्चर कर्प प्रालिले नयाँ प्रयोग र नवीन विचार राख्ने उद्यमी व्यवसायीहरुलाई परामर्श र विश्वमा स्थापित मान्यताहरुको माध्यमबाट अर्को उचाइमा पुर्याउन प्लेटफर्म दिनेकाम गर्ने बताएको छ । उसले नयाँ उद्यमीलाई तालिमको दिने र उद्योग खोल्न प्रारम्भिक लागानी पनि दिने जनाएको छ ।
यस्तै वर्कस्प्रो प्रालिले सूचना प्रविधिको क्षेत्रमा अनुसन्धान र विकासमा काम गर्ने जनाएको छ । क्लाउड सफ्टवेयर्स, मोवाइल टेक्नोलोजी र आर्टिफिसियल इन्टेलिजेन्सलगायत नयाँ प्रविधिमा अनुसन्धान र विकस गर्ने जनाएको छ ।
अर्को कम्पनी एमएण्डएस इभेन्टस् प्रालिले नेपालको साहसिक पर्यटन र पर्यटन सम्बन्धित गतिविधिलाई कर्पोरेट कल्चरमार्फत अगाडि बढाउने काम गर्ने जनाएको छ । यसैगरी नेपालका पर्यटकीय गन्तव्यलाई ट्रेजर नेपालका रुपमा अगाडि सार्दै लैजाने जनाएको छ ।
नेपालका युवापुस्तालाई विश्वमा भइरहेको ट्रेन्ड, विभिन्न क्षेत्रमा भइरहेको परिवर्तनसंग परिचित गराउँदै विश्वमा नेपाललाई विविध क्षेत्रको गन्तव्यका रुपमा लैजाने एमएण्डएस होल्डिङ्का ग्रुप सिइओ सम्भव शिरोहियाले जानकारी दिए ।