उक्त सोरुममा नेपालमा उपलब्ध टिभिएसका सम्पूर्ण मोडेलका मोटरसाइकल र स्कुटर पाउने जनाइएको छ। नेपालमा टिभिएसका अपाचे आरटिआर सिरिजका १६० र १८० सिसिका दुइवटा मोटरसाइकल उपलब्ध रहेका छन् भने वेगो, जिस्ट, स्पोर्टस् १००, फियोनिक्स १२५ र स्टार सिटि प्लस ११० मोडेलका स्कुटरहरु पाइन्छन्। सोरुममा नयाँ अपाचे आरटिआर मेट ब्लु पनि राखिएको छ।
आधुनिक र नवीनतम रुपमा तयार पारिएको सोरुममा ग्राहकका लागि सबै किसिमका सेवा, स्पेयर पार्टस् र सवै किसिमका सूचना उपलब्ध गराउने कम्पनीले जनाएको छ।
जगदम्बा मोटर्सले नेपालभरमा आफ्ना ६५ वटा सर्टिफाइड सर्भिस सेन्टर र ६१ वटा सोरुमहरु रहेका छन्। त्यहाँवाट सेल्स, सर्भिस र स्पेयर्स सेवा उपलब्ध हुन कम्पनीले जनाएको छ।
टिभिएस मोटर कम्पनी दुइपाङ्ग्रे सवारीसाधन उत्पादनमा भारतमा तेस्रो ठूलो कम्पनी हो। यसले भारतमा प्रतिबर्ष तीसलाख दुइपाङ्ग्रे सवारीसाधन उत्पादन गर्ने गर्दछ।
