एनसेलले ल्यायो नाईट डेटा प्याक, ईन्टरनेट अब राती १० पैसा प्रति एमबि सम्म प्रयोग गर्न सकिने

बिजमाण्डू
२०७३ असार १४ गते ००:०० | Jun 28, 2016
एनसेलले ल्यायो नाईट डेटा प्याक, ईन्टरनेट अब राती १० पैसा प्रति एमबि सम्म प्रयोग गर्न सकिने


काठमाडौं । मोबाईल सेवा प्रदायक कम्पनी एनसेलले आफ्ना ग्राहकका लागि ईन्टरनेट सेवा  कर बाहेक १० पैसा प्रति एमबि सम्म प्रयोग गर्न सकिने गरी ‘नाईट डेटा प्याक’ ल्याएको छ। 
 
बुधबार (असार १५ गते) बाट सुरु हुने यो योजनामा ग्राहकले आफ्नो आवश्यकता अनुसार दैनिक, साप्ताहिक तथा मासिक नाईट डेटा प्याक खरिद गरी रातको १० बजे देखि बिहान ६ बजे सम्म सुलभ दरमा डेटा सेवाको उपयोग गर्न सक्छन् ।
 
४० एमवि डेटा रहेको दैनिक नाईट डेटा प्याक ग्राहकले आठ रुपैयाँमा खरिद गर्न सक्छन्। यो प्याकको समयावधि २४ घण्टा रहेको छ । साथै २५० एमबि डेटा भोल्युम भएको सातदिन सम्म मान्य हुने साप्ताहिक नाईट डेटा प्याकको मूल्य ४० रुपैयाँ रहेको छ भने ग्राहकले १००० एमबि डेटा भोल्युम रहेको मासिक नाईट डेटा प्याक सय रुपैयाँमा खरिद गर्न सक्ने जानकारी कम्पनीले दिएको छ ।

Tata
GBIME
Nepal Life

मासिक नाइट डेटा प्याक खरिद गर्दा ग्राहकले अब मात्र १० पैसा प्रति एमबिमा ईन्टरनेट चलाउन सक्छन् । यी नाईट डेटा प्याकका मुल्यहरु कर बाहेकका हुन् ।

 
ग्राहकले यी नाईट प्याकहरु एस्ट्रिक्स् १७१२३ ह्यास डायल गरेर प्राप्त जानकारी अनुसार सुरु गर्न सक्छन् । साथै आफूले लिन चाहेको प्याकको भोल्युम टाईप गरी स्पेस राखेर अंग्रजीमा ‘एन’ टाइप गरी १७१२३ मा एसएमएस पठाएर पनि यी प्याकहरु लिन सकिन्छ । उदाहरणका लागि एक दिने नाईट डेटा प्याक लिन चाहने ग्राहकले अंग्रजीमा ४० लेखी स्पेस दिएर अंग्रेजीमा एन टाइप गरी १७१२३ मा एसएमएस पठाएर यो प्याक सुरु गर्न सक्छन् ।
 
‘सुलभ दरमा गुणस्तरीय सेवा प्रदान गर्ने प्रतिवद्धता बमोजिम आफ्ना ग्राहकका लागि नाइट डेटा प्याक ल्याउन पाउँदा हामी हर्षित छौं । यसले रातको समयमा डेटा उपयोग गर्ने ग्राहकलाई विशेष लाभ प्रदान गर्ने विश्वास छ,’ एनसेलका कर्पोरेट संवाद विज्ञ मिलन शर्माले भने ।
 
आफ्नो आवश्यकता अनुसार ग्राहकले यी प्याकहरु जति पटक पनि लिन सक्छन् । प्याकको समयावधि रहँदै डेटा भोल्युम उपभोग भएमा ग्राहकले बाँकी अवधिको राति १० बजे देखि बिहान ६ बजे सम्म ५० पैसा प्रति एमबिका दरले डेटा सेवा प्रगोग गर्न सक्नेछन् । यो योजना १५ दिनसम्म संचालनमा रहने एनसेलले जनाएको छ ।