काठमाडौं । माइक्रोम्याक्स मोबाइलले नेपाली बजारमा नयाँ उत्पादन इ ४८५ क्यानभास सिक्स ल्याएको छ। २३ हजार ६ सय ५० रुपैयाँ मुल्य रहेको यो मोबाइल १.३ गिगाहर्जको अक्टा कोर प्रोसेसरबाट सञ्चालित छ।
माइक्रोम्याक्स विश्वप्रसिद्ध भारतिय ब्राण्ड हो। यो कम्पनी बजेट अनुकुल फोनका लागि प्रख्यात रहेको छ।
इ ४८५ क्यानभास सिक्समा ५.५ इञ्चको फुल एचडि डिस्पले रहेको छ। यस मोबाइलमा १३ मेगापिक्सलको रियर क्यामरा रहेको छ भने आठ मेगापिक्सलको फ्रण्ट क्यामरा रहेको कम्पनीले जानकारी दिएको छ।
यस मोबाइलमा तीन जिबिको र्याम रहेको छ भने ३२ जिबिको रोम रहेको छ। यो फोन एण्ड्रोइडको ललिपप ५.१ अपरेटिङ सिस्टममा आधारित रहेको कम्पनीले जानकारी दिएको छ।
यसमा ३००० एमएएच क्षमताको ब्याट्री रहेको कम्पनीले जानकारी दिएको छ।
