बहुराष्ट्रिय कम्पनीको विज्ञापन स्वदेशबाटै प्रशारण हुन थालेपछि विज्ञापनको बजार समेत विस्तार हुनेछ । अहिले सयौं विदेशी च्यानलले विना रोकतोक विदेशी विज्ञापन प्रशारण भइरहेका छन् । क्लिन फिड नीति दक्षिण एसियामा भारत,चीन, भुटान, पाकिस्तानले कार्यान्वयनमा ल्याइसकेको छ ।
 
 के हो क्लिन फिड ?
 
क्लिन फिड भनेको बिना कुनै पनि रोकावट टेलिभिजनमा चाहेको च्यानल र कार्यक्रम हेर्न पाउनुपर्ने मान्यता हो। यो कार्यान्वयनमा आए कुनैपनि विदेशी च्यानलमा विज्ञापन प्रशारण हुँदैनन् ।  
 
के भन्छन विज्ञ ?
विज्ञापन क्षेत्रका विज्ञ तथा त्रिभुवन विश्वविद्यालय व्यवस्थापन केन्द्रिय विभागका प्रमुख प्राध्यापक डा भोजराज अर्याल क्लिन फिड नीति कार्यान्वयनमा आउनेवितिकै विज्ञापनको बजार विस्तार हुने र यहीका कलाकारले काम पाउने दाबी गरे  ।

 'नेपाली विज्ञापन बजार थप विस्तार र कम्पनी तथा कलाकारको भ्यालु बढ्छ' अर्यालले भने 'यो नीति लागुभएपछि नेपालको विज्ञापन बजार दोब्वर हुन्छ'
विदेशी च्यानलहरुवाट आउने गरेका विज्ञापनहरुले विदेशी कलाकार, भाषा, परम्परा, संस्कृति, भेषभूषा लगायत विदेशी कुराहरुलाई मात्र प्रोत्साहन गरेको अर्यालको ठहर छ।
 
केबलको पैसा बढ्दैन

अनुप नेपाल,उपसचिव,सूचना तथा सञ्चार मन्त्रालय
हामीले क्लिन फिड नीति कार्यान्वयनका लागि लगभग एक बर्षको समय दिएका छौं। धेरैपटक सरोकारवाला निकायसँग छलफल गरेर नीति पारित भएको छ। यसले नेपालमा विदेशी कन्टेन्ट र विज्ञापनको ढाँचालाई परिवर्तन गर्छ।

 यसको मनिटरिङ गर्नका लागि विचमा अर्कै संयन्त्र पनि आउन सक्छ। हामीले यसको प्रभावकारीता अध्ययन गरिसकेपछि  निर्क्यौलमा पुग्छौं र तत्काल कुनै पनि अपरेटरले केवलको पैसा बढाउँदैनन्।
 
 सरकारको राम्रो कदम
 सन्तोष श्रेष्ठ, अध्यक्ष (आन)
नेपाल विज्ञापन संघका अध्यक्ष सन्तोष श्रेष्ठले सरकारको यो निर्णय  विज्ञापनको इतिहासमा उत्कृष्ट निर्णय हो। सरकारले गरेको निर्णयले समग्र विज्ञापन एजेन्सीलगायत नेपाली कलाकारको  भविष्यलाई उज्वल बनाउने निश्चित छ। अब नेपालमा विज्ञापन गर्न चाहने विदेशी कम्पनीहरुले नेपालमा नै आएर नेपाली परिवेशअनुसार विज्ञापन बनाउनुपर्छ ।
 
 निर्णय स्वागतयोग्य
कल्याण अधिकारी,उपमहाप्रबन्धक, डिसहोम
सरकारले गरेको 'क्लिन फिड' नीति स्वागतयोग्य निर्णय हो । अब नेपालको विज्ञापनको बजार धेरै माथि पुग्छ र नेपाली विज्ञापन व्यावसायीलाई फाइदा पुग्छ।यसभन्दा अगाडि निशुल्क विदेशी विज्ञापन बजिरहेको थियो। जसका कारण विज्ञापनवाट आउने नेपालको करोडौं राजश्व गुमिरहेको थियो। त्यो रोकिन्छ । तत्कालै उपभोक्तालार्इ केबलको मूल्यभार पनि पर्दैन् ।
 
नीति स्वागतयोग्य छ
सुधिर पराजुली, सिइओ, सुविसु केबलनेट
सरकारले गरेको निर्णय स्वागतयोग्य छ। यसले स्वदेशी विज्ञापनको बजारलाई फाइदा