काठमाडौं। सरकारले नेपाल टेलिकमको प्रवन्ध निर्देशकमा कामिनी राजभण्डारी नियुक्त गरेको छ। मन्त्रीपरिषदको विहिवार बसेको बैठकले उनलार्इ नियुक्त गरेको हो। उनी टेलिकममै नायब प्रबन्ध निर्देशक थिर्इन्।
५४ औँ इन्जिनियर्स दिवसको अवसरमा गत साउन ३ मा तात्कालिन प्रम केपी ओलीबाट सम्मान थाप्दै नवनियुक्त एमडी कामिनी (फाइल तश्विर )
सरकारले खुला प्रतिस्पर्धाबाट नेपाल टेलिकमको प्रबन्ध निर्देशक छनोटका लागि आवेदन गरेको थियो। प्रवन्ध निर्देशक छनौटका लागि गठन गरेको सिफारिस समितिले आवेदकमध्येबाट तीन जनाको नाम छनौंट गरेको थियो। कामिनीका अन्तिम प्रतिश्पर्धीमा मदन खरेल र सुनिल कुमारी पोखरेल थिए।
सिफारिस समितिले आवेदन दिने मध्ये छ जनाको सर्ट लिष्ट तयार गरेर अन्तरवार्ता लिने र ती मध्येवाट उत्कृष्ट तीनजनालाई विहिवार मन्त्रीपरिषदमा पेश गरेको थियो। समितिले तयार पारेको सर्ट लिस्टमा टेलिकम भित्रैबाट आवेदन दिनेमध्ये कामिनी वाहेक मानव संसाधन प्रमुख रवीन्द्र झा, प्रबन्धकहरू वटुकआनन्द वैद्य, सुनीलकुमार पोखरेल र गुणकेशरी प्रधान थिए।
सर्ट लिष्ट हुँदै अन्तिम तीन सम्म पर्ने खरेल भने टेलिकम बाहिरका हुन्। उनले नेपाल वायुसेवा निगमको महाप्रवन्धकको रुपमा काम गरि सकेका छन्। समितिले तयार पारको सर्ट लिस्टमा टेलिकमका पूर्व प्रवन्ध निर्देशक बुद्धिप्रसाद आचार्य परेका थिएनन्।
सरकारले गत असार २५ मा प्रतिस्पर्धाका आधारमा टेलिकम प्रमुख माग गरेको थियो। त्यसमा नेपाल टेलिकम भित्रवाट नौ जना र बहिरवाट चार जनाले आवेदन दिएका थिए।
तीन महिना अगाडी उनले नेपाल इन्जिनियर्स एसोसियसनबाट 'आउटस्ट्यान्डिङ वुमन इन्जिनियर्स अवार्ड' पाएकी थिइन्। ५४ औँ इन्जिनियर्स डे का दिन साउन तीन गते तात्कालिन प्रधानमन्त्री केपी ओलीले उनलाई सम्मान गरेका थिए।
ग्राहक ७ र आय १० प्रतिशतले बढाउने बाचा