विराटनगर। ३५ करोड लगानीमा स्थापना भएको रिजालको फेनोलिक्स पोलिपार्क इन्डस्ट्रिजले ‘रिजालको’ ब्रान्डकै सिपिभिसी पाइप बजारमा ल्याएको छ।‘रिजालको’ ब्रान्डका ग्यास, पानी ट्यांकी र ग्यास गिजर उत्पादन गरिरहेको उद्योगले बुधवारदेखि सिपिभिसी पाइप बजारमा ल्याएको हो।
यो उद्योगका संचालक युवा उद्यमी नवीन रिजाल हुन्।धारा, बाथरुम र पानीका सबैजसो पाइप फिटिङमा सिपिभिसी पाइपको प्रयोग उपयुक्त हुने रिजालले बताए ।
ग्यास गिजर र इलेक्ट्रिक गिजरमा पनि यो पाइप उपयोगी हुने उनको दाबी छ।‘यो पाइप ५० वर्षभन्दा बढी टिक्छ’, उनले भने, ‘यो खिया प्रतिरोधक छ । साथै दुई सय डिग्रीसम्मको तातो पानी थेग्नसक्छ । त्यसैले औद्योगिक प्रयोजनका लागि धेरै उपयोगी छ ।’ उनले भने।
तत्काल बजारको मागलाई हेरेर आधादेखि दुई इन्च सम्मका सिपिभिसी पाइपको उत्पादन गरिएको बताउँदै रिजालले मागअनुसार यसको आकारमा थपघट गर्न सकिने जानकारी दिए ।
