Snickers

तरलता अभाव भन्दै ब्याज बढाउँदै बैंक, राष्ट्र बैंकले ४.८७ प्रतिशतमा पैसा दिँदा दुईले मात्र लगे


काठमाडौं। बैंकर्स संघले तरलताको चरम अभाव भयो भन्दै नेपाल राष्ट्र बैंकलाई गुहार्यो। नयाँ कार्यसमितिको चयन भएपछि संघका पदाधिकारीले गभर्नर र डेपुटी गभर्नरलाई भेट्न पाएका थिएनन्।

नयाँ नेतृत्वले तरलता अभावले अप्ठेरो परेको सुनाएपछि गभर्नर डा. चिरञ्जिबी नेपाल पनि थामिन सकेनन्। उनले विराटनगर उड्नुअघि २० अर्ब रुपैयाँ बैंकहरुलाई दिने निर्णय गरे।

बैंकहरुले तरलता अभाव भयो भन्दै आवधिक निक्षेपको ब्याज दर ८, ९, १० हुँदै ११ प्रतिशत नघाइसकेका थिए। ओहो, बजारमा ठूलै पो संकट आएछ कि जस्तो गरेर राष्ट्र बैंकले हतारहतार २० अर्बको रिपो जारी गर्यो।

बैंकहरुले भनेजस्तो अवस्था भने ब्यवहारमा देखिएन। अर्थात २० अर्बको तरलता राष्ट्र बैंकले छाडिदिँदा जम्मा एउटा बाणिज्य बैंक र एउटा विकास बैंकले मात्र त्यो प्रयोग गरे। दुई संस्था मिलेर एक अर्ब ९० करोड रुपैयाँ खपत गरे।

बजारमा तरलता अभावको रटान चलिरहँदा उता स्ट्यान्डर्ड चार्टर्ड बैंक नेपालले ७.२५ प्रतिशतमा आवासीय कर्जाको स्किम निकालेको थियो। राष्ट्र बैंकको आफ्नै प्रक्षेपणमा पनि ८७ करोड रुपैयाँ मात्र अभाव देखिएको थियो। बैंकरले भने भनेर राष्ट्र बैंकले एकैचोटी २० अर्बको रिपो जारी गरिदियो।

दुई बैंकले दुई साताका लागि ४.८७०१ प्रतिशतमा रिपो लगे। रिपो लैजानेमा मेगा बैंक र साङ्ग्रिला डेभलपमेन्ट बैंक छन्। 

'बैंकहरुले अन्तर बैंक कारोबारमा गरेको लगानी प्रबृत्ति हेर्दा धेरै अभाव जस्तो देखिँदैन' राष्ट्र बैंक स्रोतले भन्यो, 'अलिअलि अभाव जस्तो देखिएर रिपो जारी गरिएको थियो तर प्रयोग भएन।' तैपनि राष्ट्र बैंकले आइतबार फेरि १० अर्ब रुपैयाँको रिपो जारी गर्दैछ।

राष्ट्र बैंकबाट सस्तोमा पैसा लगेको मेगा बैंकले भने महँगोमा बजारमा लगाइरहेको छ। मेगाले साढे सात प्रतिशतमा गुडविल फाइनान्सलाई, ६ प्रतिशतमा आइसिएफसीलाई र ८ प्रतिशतमा देव विकास बैंकलाई पैसा सापटी दिएको छ।

ठूला बैंकहरुले भने सस्तैमा लगानी गरिरहेका छन्। राष्ट्रिय वाणिज्य बैंकले सिभिल बैकलाई २.९५ प्रतिशतमै सापटी दिएको छ। सिद्धार्थ बैंकले अल्पाइनलाई पाँच प्रतिशतमा सापटी दिएको छ।

Share this Story

   

तरलता अभाव भन्दै ब्याज बढाउँदै बैंक, राष्ट्र बैंकले ४.८७ प्रतिशतमा पैसा दिँदा दुईले मात्र लगे को लागी ५ प्रतिक्रिया(हरु)

subhash bhetwal[ Jan 06, 2017 - 08:39 pm ]
yo rakam lai janta ma loan ma lagauna painxa ki paidaina

   हालसम्म २६ जनाले यो प्रतिक्रिया मन पराउनु भयो ।


Dilip[ Jan 06, 2017 - 07:29 pm ]
राष्ट्र बैंक अविलम्ब देशमा तरलताकाे वास्तविक अवस्थाकाे अध्ययन गरेर तथ्यसत्य बाहिर ल्याउनु पर्याे । यदि तरलताकाे अभाव हाे भने किन राष्ट्र बैंकबाट दिईएकाे सुविधा लिएनन र तरलता अभाव हाेईन भने बैकहरूले किन ११% व्याज दिएर अल्पकालीन मुदति वचत संकलन गरिरहेका छन् ? कतै छाेरि कुटेर बुहारि तह लगाउन खाेजेका त हाेईनन् भनेकाे केही व्याज बढि दिएकाे देखाएर समग्र ऋणमा व्याज असुल्न खाेजेका हुन् ।

सम्वन्धित निकायकाे समयमा नै ध्यान जाअाेस् ।

   हालसम्म ३२ जनाले यो प्रतिक्रिया मन पराउनु भयो ।


Dilip[ Jan 06, 2017 - 07:27 pm ]
राष्ट्र बैंक अविलम्ब देशमा तरलताकाे वास्तविक अवस्थाकाे अध्ययन गरेर तथ्यसत्य बाहिर ल्याउनु पर्याे । यदि तरलताकाे अभाव हाे भने किन राष्ट्र बैंकबाट दिईएकाे सुविधा लिएनन र तरलता अभाव हाेईन भने बैकहरूले किन ११% व्याज दिएर अल्पकालीन मुदति वचत संकलन गरिरहेका छन् ? कतै छाेरि कुटेर बुहारि तह लगाउन खाेजेका त हाेईनन् भनेकाे केही व्याज बढि दिएकाे देखाएर समग्र ऋणमा व्याज असुल्न खाेजेका हुन् ।

सम्वन्धित निकायकाे समयमा नै ध्यान जाअाेस् ।

   हालसम्म २८ जनाले यो प्रतिक्रिया मन पराउनु भयो ।


p[ Jan 06, 2017 - 02:36 pm ]
Who leaks such info to bizmandu info about interbank lending with specific bank names is purely private information. person who have leaked such info should be brought into justice .

   हालसम्म ३१ जनाले यो प्रतिक्रिया मन पराउनु भयो ।


Ram[ Jan 06, 2017 - 02:19 pm ]
Partakar le ani NRB Le ahile ko market ko situation dherai bujhya jasto chha...... Repo vanya k ho ho vanera dubai lai bujhaunu parne jasto chha....

   हालसम्म ३० जनाले यो प्रतिक्रिया मन पराउनु भयो ।


नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.