गत साता पाँच अर्ब ७७ करोड रुपैयाँको कारोबार भएको नेप्सेमा यो साताको दुर्इ दिनमै तीन अर्ब रुपैयाँको कारोबार भइसकेको छ।शेयर बजारमा पैसा ओइरिरहेको छ। तर शेयर बजारमा अचानक कहाँबाट पैसा ओइरियो? पछिल्लो समयमा बैंक तथा वित्तिय संस्थाले नयाँ कर्जा नदिएपनि पूरानो 'लिमिट'लिएका ऋणीलार्इ कर्जा प्रवाह सुरु भएको छ।
 

नेपाल लाइफ इन्स्योरेन्स कम्पनीको फर्दर पब्लिक अफरिङ(एफपिओ)मा गएको पैसा समेत बजारमा फर्किएको छ।यो कम्पनीको एफपिओमा ५३ अर्ब रुपैयाँमध्ये स्ट्याण्डर्ड चार्टर्डको एफपिओमा ३८ अर्ब मात्रै परेको छ।नेपाल लाइफबाट फर्किएको झण्डै १३ अर्ब रुपैयाँ बजारमा छ।शेयर लगानीकर्ता शम्भु प्रधान शेयर बजार घटेको बेलामा बेचेका लगानीकर्ता फेरी सक्रिय भएको बताए।

पछिल्लो समयमा ब्रोकरको शाखा विस्तार र अनलार्इन ट्रेडिङ अघि बढेको छ।एस क्यापिटलका प्रवन्ध निर्देशक पूर्णचन्द्र दाहालले पर्ख र हेरको अवस्थामा बसेका लगानीकर्ता बजारमा आएको बताए।