कम्पनीले सन् २०२०भित्र चार अर्ब लगानी थपेर मुलुकभित्रका मुख्य शहर,शहरोन्मुख बस्ती र जनघनत्व भएका ग्रामिण बस्तीमा इन्टरनेट सेवा पुर्याउने भएको हो।कम्पनीले विश्वस्तरीय फाइबर टु द होम नेटवर्क सेवा विस्तार गर्नेछ।
कम्पनीले इन्टरनेट प्रोटोकलमार्फत अत्याधुनिक प्रविधिमा आधारित टेलिभिजन सेवा आइपिटिभी समेत प्रदान गर्ने जनाएएको छ।कम्पनीको अहिले एक लाख प्रयोगकर्ता छन् र तीन अर्ब लगानी गरिसकेको छ।कम्पनीले ३० वटा शाखा तथा ६० वटा सम्पर्क कार्यालयबाट देशको ६३ जिल्लामा सेवा विस्तार गरेको छ।
कम्पनीले तीन प्रमुख अमेरिकी कम्पनी जुनिपर नेटवर्क,नोकिया नेटवर्क र सिस्को सिस्टमसँगको सहकार्यमा नेपालमा पिहलो पटक एक सय जीबीपिएस भन्दा धेरै क्षमता भएको आन्तरिक नेटवर्क काठमाडौं र देशका प्रमुख शहरमा विस्तार गरिरहेको छ।
कम्पनीका अनुसार फाइबर टु द होम सेवाका लागि क्लाइन्ट इण्ड अप्टिकल नेटवर्क टर्मिनल र अप्टिकल लाइन टर्मिनलका लागि नोकिया नेटवर्कसँग सम्झौंता भइसकेको छ।कम्पनीले नेट टिभीसँगको सहकार्यमा ४० भन्दा बढी एचडी च्यानलसहितको गुणस्तरीय आइपी टिभी सेवा र एक साता पूरानो कार्यक्रम रेकर्ड गरेर हेर्न पाइने जनाएको छ।यो कार्यक्रम मोबाइल,ट्याब्लेट र ल्यापटपमा समेत हेर्न सकिने कम्पनीले जनाएको छ।