२५ बर्षको उमेर भएकालाई
तपाईको अहिलेको उमेर २५ बर्ष छ भने तपाईलाई करोडपति बन्न अझ सहज छ । तपाईले अवकास पाउँदासम्म दुई करोड रुपैयाँ आरामले जोगाउन सक्नु हुन्छ । सबैभन्दा पहिले तपाईले प्रत्येक महिना पाँच हजार रुपैयाँ लगानीका लागि छुट्याउनु पर्ने हुन्छ । तपाईको लगानीमा १० प्रतिशत मात्रै प्रतिफल आयो भने पनि तपाई सजिलै करोडपति बन्न सक्नु हुन्छ ।
यसका लागि तपाईले सिस्टमेटिक इन्भेष्टमेन्ट प्लान (एसआइपी) बनाउनु पर्छ । यसो गर्दा तपाईको लगानीमा जोखिम पनि कम हुन्छ र एकदमै राम्रो प्रतिफल पनि पाउँदै जानु हुन्छ । एसआइपीको माध्यमबाट तपाईले सामूहिक लगानी कोषहरुमा लगानी गर्न सक्नु हुन्छ ।
उमेर | मासिक लगानी | औषत प्रतिफल | अवकास उमेर | लगानी रकम | लगानीबाट हुने आम्दानी | कुल प्राप्त हुने रकम |
२५ बर्ष | ५००० रुपैयाँ | १०% | ६० बर्ष | २१ लाख | १.७० करोड | १.९१ करोड |
उमेर ३० बर्षको भए यसरी प्लानिङ गर्नुस्
उमेर | मासिक लगानी | औषत प्रतिफल | अवकास उमेर | लगानी रकम | लगानीबाट हुने आम्दानी | कुल प्राप्त हुने रकम |
३० बर्ष | ८००० रुपैयाँ | १०% | ६० बर्ष | २८.८० लाख | १.५३ करोड | १.८२ करोड |
उमेर ३५ बर्षको भए यसरी प्लानिङ गर्नुस्
उमेर | मासिक लगानी | औषत प्रतिफल | अवकास उमेर | लगानी रकम | लगानीबाट हुने आम्दानी | कुल प्राप्त हुने रकम |
३५ बर्ष | १४००० रुपैयाँ | १०% | ६० बर्ष | ४२ लाख | १.४५ करोड | १.८७ करोड |
उमेर ४० बर्षको भए यसरी प्लानिङ गर्नुस्
उमेर | मासिक लगानी | औषत प्रतिफल | अवकास उमेर | लगानी रकम | लगानीबाट हुने आम्दानी | कुल प्राप्त हुने रकम |
४० बर्ष | २६००० रुपैयाँ | १०% | ६० बर्ष | ६२.४० लाख | १.३६करोड | १.९९ करोड |
यसै गरी तपाईले ४५ देखि ५० बर्ष उमेरको पनि प्लानिङ गर्न सक्नु हुन्छ । तर यसले मासिक बोझ भने थपेर लैजान्छ । त्यसैले उमेर छँदै प्लानिङ गर्दा राम्रो हुन्छ । तपाई दुई करोड नै किन ५० लाखदेखि एक करोड रुपैयाँसम्मको पनि प्लानिङ गर्न सक्नु हुन्छ ।
एसआइपीले अनुशासित हिसावले लगानी गर्न प्रेरित गर्छ । प्रत्येक महिना रकम बचत गर्ने बानीले तपाईको बजेटलाई पनि असर गर्दैन । समयसँग तपाईले बचत गरेको रकम ठूलो थैलीमा परिणत भइसक्छ ।
एसआइपीको माध्यमबाट जम्मा भएको रकम तपाईले सेयर बजार घटेका बेला लगानी गर्ने अवसर पाउनु हुन्छ । बढेको बजारमा त जसले पनि लगानी गरिरहेको हुन्छ । वढेको बजारमा लगानी गर्दा जोखिम पनि ठूलो उठाउनु पर्छ । तर बजार घटेका बेला तपाईसँग जम्मा भएको रकम लगानी गर्नु भयो भने राम्रो आम्दानी गर्ने अवशर प्राप्त गर्नु हुने छ । यसबाट तपाईलाई करोडपति बन्न थप सजिलो हुन्छ ।