काठमाडौं।विश्वबजारमा स्मार्टफोन बिक्रीका हिसाबले ओप्पो चौथो स्थानमा उक्लिएको छ।
इन्टरनेशनल डाटा कर्पोरेशनले सन् २०१७को पहिलो त्रैमासमा स्मार्टफोनको बजार अध्ययन अनुसार बिक्री र इयर अन इयर ग्रोथका आधारमा ओप्पो चौथोमा उक्लिएको हो।कर्पोरेशनको प्रतिवेदन अनुसार यो अवधिमा ओप्पोको २ करोड ५६ लाख मोबाइल बिक्री भएका छन्।
चिनियाँ बजारमा मध्यम वर्गीय ओप्पोको आरनाइन एसले विशेष भूमिका खेलेको प्रतिवेदनमा छ।एसिया,मध्य पूर्व र अफ्रिकामा समेत ओप्पोको बिक्री राम्रो छ।भारतीय बजारमा समेत ओप्पो आक्रामक हिसाबले बजार विस्तार गरिरहेको छ।इण्डोनेशिया र अन्य दक्षिणपूर्वी देशमा आफ्नो सेवा केन्द्र स्थापना गरेर बिक्री र बिक्रीपछिको सेवालार्इ अगाडि बढाइरहेको छ।
