काठमाडौं। राजधानीमा गल्फ सिरिज् २०१७ गल्फिङ इभेन्टको पहिलो एडिशन सुरु भएको छ। राजधानीको गोकर्ण फरेष्ट रिसर्टमा जारी इभेन्टको तीन सिरिजमा प्रतिश्पर्धा हुने बताइएको छ। प्रतियोगितामा देशका उदयीमान गल्फरहरुबीच प्रतिस्पर्धा भएको हो ।
३ वटा सिरिजमध्ये पहिलो सिरिजका खेलहरु सम्पन्न भएको छ भने बाँकी दुई सिरिज अगष्ट र अक्टोबरमा हुनेछ ।
आफ्नो होम क्लबहरुको भ्यालिड ह्याण्डीक्याप भएका देशभरका गल्फरहरुलाई इभेन्टमा समावेश गरिएको बताइएको छ।
यो सिरिज् ¾ ह्याण्डीक्यापका साथ स्टेबेलफोर्ड फरम्याटमा खेलिने आयोजक गोर्खा ब्रुअरीले जनाएको छ।
प्रत्येक इभेन्टबाट उत्कृष्ट १० नेट स्कोर गर्ने खेलाडीहरु र उत्कृष्ट ५ ग्रस स्कोर गर्ने खेलाडीहरुले अंक प्राप्त गर्नेछन् ।
तीन वटा इभेन्ट पछि ग्रस अनि नेट विधामा जुन खेलाडीले सबैभन्दा धेरै अंक प्राप्त गर्छन् सोहीलाई गल्फ सिरिज् ग्रस र नेट च्याम्पियन घोषित गरिने बताइएको छ।
यसै गरी प्रत्येक अडिसनका नेट विजेता, नेट उप–विजेता, ग्रस विजेता, ग्रस उप– विजेता, महिला तर्फका विजेता, सिनियर विजेता, सिनियर उप–विजेता, लङ्गेष्ट ड्राइभ, क्लोजेष्ट टु द पिन र मोष्ट बर्डिज्हरुलाई समेत पुरस्कार दिइने छ ।गोर्खा ब्रुअरीका प्रबन्ध निर्देशक अरुण अधिकारीले प्रतियोगितामा उदयमान गल्फरहरुले प्रतिभा देखाउने अवसर पाउने बताए।