काठमाडौं। एचटिसी स्मार्टफोनको नेपाली विक्रेता जनरल नेक्स्ट कम्यूनिकेसन्स प्रालिले तीन नयाँ फोन बजारमा ल्याएको छ। कम्पनीले एचटिसी यू प्ले, एचटिसी वान एक्स ९ र एचटिसी डिजायर ८२५ बजारमा ल्याएको हो।
एचटिसी यू प्लेको मूल्य ४९ हजार ९९९ रुपैयाँ, वान एक्स ९ को मूल्य २८ हजार ६०० रुपैयाँ तथा डिजाइर ८२५ को मूल्य १८ हजार ९०० रुपैयाँ तोकिएको छ। एचटिसी यू प्ले ब्लू रंगमा उपलब्ध हुनेछ भने एचटिसी वान एक्स ९ गोल्ड र ग्रे रंगमा उपलब्ध हुनेछ। एचटिसी डिजाइर ८२५ ग्रे र ह्वाइट रंगको अप्सनमा उपलब्ध छ।
एचटिसीको यू सिरिजको मुख्य विशेषता भनेको लिक्विड सर्फेस हो, कम्पनीका अनुसार यसको बाहिरी भागलाई हातले दबाउन सकिन्छ। यसमा ५.२ इन्चको फूलएचडी सूपर एलसिडी डिस्प्ले राखिएको छ भने गोरिल्ला ग्लासद्धारा सुरक्षित बनाईएको छ।
.png)
यसमा २.० गीगाहर्जको ६४ बिट अक्टा कोर मिडिया टेक हेलियो पी १० प्रोसेसर प्रयोग गरेको छ। फोनमा ४ जीबीको र्याम तथा ६४ जीबीको स्टोरेज छ, जसलाई बढाएर २ टिबीसम्म पुर्याउन सकिन्छ। फोटोका लागि १६ मेगापिक्सेलको रियर तथा फ्रन्ट क्यामरा छ। दुबै क्यामराले एचडी क्वालिटिको भिडियो रेकर्ड गर्ने कम्पनीको दावी छ।
