काठमाडौं।केएल टावरले आजदेखि दशैं तिहार उपहार योजना सुरु गरेको छ। खरिदकर्ताले योजना अवधिभर कुपनमार्फत दैनिक सपिङ भौचर, स्मार्ट फोन, विद्युतीय जग उपहार पाउनेछन्।
यसैगरी साप्ताहिक उपहारमा घडी, ५ हजार मूल्य बराबरको गिफ्ट भौचर, वासिङ मेसिन, रेफ्रिजरेटर, टेलिभिजन, माइक्रोवेभ ओभन लगायतको होम एप्लायन्स जित्न सक्ने कार्यक्रम संयोजक हिरामणि तिमल्सिनाले बताए।
बम्पर उपहारमा जिक्सर मोटरसाइकल, लेट्स स्कुटर, ४ रात ५ दिनको बैंकक भ्रमणको प्याकेज समेत राखिएको बताइएको छ।
ग्रोसरी, फुडकोर्ट, सिनेमाहल, गेमजोन, सामसुङ प्लाजा, फर्निचर लगायतका ५० वटा पसलहरुको सहभागिता रहेको उक्त मेलामा ग्राहकहरुले १ हजारको सामान खरिद गर्दा एउटा उपहार कुपन प्राप्त गर्न सक्ने प्रावधान राखिएको छ।
आजबाट सुरु भएको मेला कार्तिक २५ गतेसम्म चल्ने छ।