नेपाल राष्ट्र बैंक कर्मचारी संघ र नेपाल वित्तीय संस्था कर्मचारी संघले हड्तालका कार्यक्रमलार्इ निरन्तरता दिँदै सुपरिवेक्षण विभाग लगायत सबै विभाग तथा ईकाईहरुमा आन्तरिक काजमा नखटाउन व्यवस्थापनलार्इ दबाब दिएको छ।दुबै कर्मचारी संगठनले संयुक्त रुपमा जारी विज्ञप्तिमा हड्तालको कार्यक्रम नटुङगिएसम्म कुनैपनि आन्तरिक काजमा नखटाउन आग्रह गरिएको उल्लेख छ।
राष्ट्र बैंकको वर्तमान कर्मचारी विनियमावली अनुसार ५८ बर्ष उमेर वा राष्ट्र बैंकमा काम गर्न थालेको ३० बर्षमध्ये जुन पहिला आउँछ त्यसै अनुसार कर्मचारी सेवा निवृत्त हुने गरेका छन्। सन् २००१ मा विश्व बैंकको सहयोगमा कार्यान्वयन गरिएको वित्तीय क्षेत्र सुधार कार्यक्रम अन्तर्गत दक्ष जनशक्ति भित्र्याउन ३० बर्षे सेवा अवधिको प्रावधान ल्याइएको थियो। वित्तीय क्षेत्र सुधार कार्यक्रममा समग्र वित्तीय स्थायित्वसँग जोडिएको बिषयलाई गहन अध्ययनविनै गभर्नरले अर्थसचिवलाई 'कन्फिडेन्स' मा लिएर फाइल लोकसेवा आयोग पठाउने निर्णय गरेका हुन्।