एउटा ट्विटले साउदी राजकुमार विन तलालको पतन, ट्रम्पसँगको दुश्मनीमा तलाल हारे




गत शनिबारदेखि साउदी अरेबियामा फरक परिदृश्य देखिएको छ। युवराज मोहम्मद विन सलमानले आफ्नै निकट पारिवारिक नातेदार रहेका  शाही राजकुमारहरु लगायत केही ब्यवसायीहरुलार्इ भ्रष्टाचारको आरोपमा धमाधम पक्रन थाले।



उच्च पदका अधिकारी तथा राजकुमारहरु नै भ्रष्टाचारको आरोपमा पक्राउ पर्न थालेपछि साउदीका नागरिकहरुमा आश्चर्य फैलियो। साउदीका एटोर्नी जनरल शेख सउद अल मोजेबले यो पक्राउलार्इ भ्रष्टाचार निवारणको अभियान भएको बताएपनि नागरिकहरुले अचानक आएको यो फेरबदलले के संकेत गरिरहेछ बुझ्न सकेका छैनन्।
११ जना शाही राजकुमारहरु चार पूर्व  मन्त्री तथा दर्जनौं अन्य मन्त्री तथा ब्यापारीहरुलार्इ पक्राउ गर्न युवराज सलमानको नेतृत्वको कमिटीले नै आदेश दिएको थियो। शाही कुको रुपमा यो पक्राउको ब्याख्या भैरहेका बेला हाइप्रोफाइल अर्बपति राजकुमार अल वालिद विन तलाल र अमेरिकी राष्ट्रपति डोनाल्ड ट्रम्प बीचको कटुसम्बन्धले यो प्लट बिकास भएको खुल्न आएको छ।तलाल फोर्ब्सले तयार पार्ने विश्वका धनीहरुको सूचीमा १८ अर्ब डलरसहित खाडीका सबैभन्दा धनी व्याक्तिका रुपमा सूचित थिए।
 
एक महिनाअघि रियादको रिट्ज कार्लटन  होटलको फ्युचर इन्भेष्टमेन्ट फोरमको भब्य समारोहमा राजकुमार तलाल हाइप्रोफाइलका रुपमा सहभागी थिए एक महिनापछि उनले त्यसै होटलको छिंडीमा कम्बल ओढेर रात बिताए। शायदै यो कल्पना तलालले गरेका थिए।  

तर अमेरिकी राष्ट्रपति डोनाल्ड ट्रम्पसँगको जटिल सम्बन्ध तलाललार्इ धेरै महंगो सावित भयो । दुर्इ दशकभन्दा अघि ब्यापारिक सम्बन्ध बनाएका ट्रम्प र तलालको सम्बन्ध अन्त्यमा यति कटु बन्यो कि ट्रम्प अमेरिकाको राष्ट्रपति भएपछि तलालको पतनकालागि ब्यक्तिगत रुपमै उत्रिए। उनीहरु दुर्इबीच सन् १९९१ देखि नै ब्यापारिक कनेक्सन थियो। ट्रम्पको याच कम्पनी तथा रियल स्टेट कारोबारमा समेत तलालको संलग्नता थियो। 
पछिल्लो समयमा यी दुर्इको दुश्मनी सामाजिक संजालमा पनि छताछुल्ल हुन थालेको थियो।ट्रम्पले अमेरिकाको राष्ट्रपतिको उम्मेदवारी दिएको बेला तलालले उनी उम्मेदवार हुन लायक नभएको भन्दै ट्विट गरेका थिए। उनले ट्रम्पको उम्मेद्वारीलार्इ अमेरिकाको अपमानको सज्ञा दिँदै राष्ट्रपतिको दौडबाट नाम फिर्ता लिन भनेका थिए।  
 ट्रम्पले पनि यसको जबाफ ट्विटरबाटै दिए। ट्रम्पले पितापुर्खाको सम्पतिबाट अमेरिकी नेतृत्वलार्इ काबुमा राख्न चाहेको भन्दै आफू अमेरिकाको राष्ट्रपति भएमा त्यसको अन्त्य गर्ने धम्की दिएका थिए।पछि ट्रम्पले नै राष्ट्रपतिको चुनाव जितेपछि तलालले अतितमा आफूहरुबीच मतभेद भएपनि अमेरिकी जनताको निर्णयलार्इ स्वागत गरेको बताउँदै राष्ट्रपति भएकोमा बधार्इ दिएका थिए। 
 
सन् २०१७ को सुरुमै ट्रम्पले अमेरिकाका राष्ट्रपतिको हैसियतमा साउदी अरेबियाको भ्रमण गरे। भ्रमणका समयमा उनले हालका युवराज मोहम्मद विन सलमानसँग बिशेष भेटवार्ता गरे। त्यसपछि सलमान र ट्रम्पका ज्वाँइ  तथा सल्लाहकार जारेड कुशनरबीच बीचबीचमा गोप्य भेट हुन थाल्यो। दुर्इबीच बिशेष सम्बन्धको विकास भएको र उनीहरु अति नै घनिष्ठ देखिएको बताइन्छ। ज्वाइ कुशनरले तीनपटकसम्म साउदी अरेबियाको गोप्य भ्रमण गरे ।

यसक्रममा उनले युवराज सलमानसँग रणनीतिक योजनाहरुसमेत बनाएको खुलासा भएको छ। गत महिनामात्रै गोप्य  रुपमा साउदी अरेबियाको भ्रमण गरेका कुशनरले सलमानसँग रातरातभर रणनीतिक योजनाहरु बनाएको वासिङ्टन पोष्टका पत्रकार डेविड इग्नाससले खुलासा गरेका छन्। यसै पृष्ठभूमिमा राजकुमार तलाल पक्राउ परेका हुन्। तलालको पक्राउपछि एशियाली मुलुकको भ्रमणमा रहेका ट्रम्पले यस्तो ट्विट गरेका छन्। 
एक अर्काको कटु आलोचक रहँदै आएका तलाल र ट्रम्प सन् १९९१ ताका ब्यापारिक सम्बन्धको विकास गरेका थिए। हाल ट्रम्पका कानुनी सल्लाहकार रहेका टाइ कोब बर्षौदेखि राजकुमार तलालका कानुनी सल्लाहकार रहँदै आएका थिए।  सन् २०१३ को सेप्टेम्बरमा कोबका फर्मका पार्टनरले लेखेको इमेलबाट पुष्टि हुन्छ उनले तलालका अति संवेदनशील तथा गोप्य मामिलामा समेत  सल्लाहकारको भूमिका निभाउँदै आएका थिए।गत जुलाइमा कोब ट्रम्पको क्याम्पमा जानुले पनि तलाल पक्राउको पृष्ठभूमि लामो समयदेखि  तयार पारिँदै आएको प्रष्ट हुन्छ। 
 
 
लन्डनको सेवोय होटलका मालिक तलाल १७ अर्ब डलर सम्पति भएका अर्बपति हुन्। उनलार्इ फोर्ब्सको धनाढ्यहरुको सूचिमा देखिन्छ। उनले किङडम होल्डिङ्स् इन्भेष्टमेन्ट कम्पनीमा पनि शेयर रहेको छ। ट्विटर, एप्पल तथा सिटी ग्रुप बैंक, फोर सिजन्स होटल तथा रुपर्ट मुर्डकको कम्पनी न्यूज कर्पोरेसनमा पनि तलालको लगानी रहेको छ। 
 
 

Share this Story

   

एउटा ट्विटले साउदी राजकुमार विन तलालको पतन, ट्रम्पसँगको दुश्मनीमा तलाल हारे को लागी कुनै प्रतिक्रिया उपलब्ध छैन ।

नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.