कर फछ्र्यौट आयोगका अध्यक्ष महत र सदस्य ढकाल धरौटीमा रिहा, एक/एक करोड बैंक ग्यारेन्टीमा छुटे

बिजमाण्डू
२०७४ मंसिर ७ गते ०९:३० | Nov 23, 2017

काठमाडौँ। विशेष अदालतले जनही एक करोड रुपैयाँ धरौटी माग गरेका कर फछ्र्यौट आयोगका तत्कालीन अध्यक्ष लुम्बध्वज महत र सदस्य उमेशप्रसाद ढकाल धरौटीमा रिहा भएका छन्। अध्यक्ष महत र सदस्य ढकाल बुधबार धरौटीमा रिहा भएका हुन्।

Tata
GBIME
Nepal Life

बैंक ग्यारेन्टीबाट उनीहरु रिहा भएका हुन्।

मंगलबार महत र ढकालसँग विशेषले जनही एक करोड रुपैयाँ धरौटी माग गरेको थियो। अदालतले तोकेको धरौटीको प्रक्रिया पूरा नभएपछि दुबैलाई सदरखोर डिल्लीबजारमा न्यायिक हिरासतमा राखिएको थियो।

फरार अवस्था मुद्दा दर्ता गरिएका ढकाल र महत कात्तिक २९ गते विशेषमा हाजिर भएका थिए। कात्तिक ३० गतेबाट विशेषले बयान लिएको थियो। बयान र थुनछेक बहसपछि अदालतले मंगलबार दुबैसँग जनही एक करोड धरौटी माग गरेको थियो।

दश अर्ब दुई करोडभन्दा बढी बिगो दाबी रहेको मुद्दामा अदालतले जनही एक करोड धरौटी माग गरेको हो। कर मिनाहा विवाद मुद्दामा जोडिएका आन्तरिक राजस्व विभागमा तत्कालीन महानिर्देशक चुडामणि शर्मा भने अझै अदालतमा उपस्थित भएका छैनन्।