केन्द्रीय बैंकको सञ्चालक समितिले १०० र १००० रुपैयाँ दरका सिक्का छाप्ने निर्णय गरेको हो। दुबै सिक्का ३/३ हजार थान निस्कासन हुने छन्।
१०० रुपैयाँ दरका सिक्का क्याप्रिनिकल धातुको हुने छ भने १००० रुपैयाँ दरको चाँदीको हुने छ। सिक्कामा घण्टाघर र त्रिचन्त्र क्याम्पसको विल्डिङको प्रतिमा हुने छ। सिक्कामा निस्कासन भएको मिति २०७४ पनि उल्लेख हुने छ। यो सिक्का चलनचल्तिका लागि भने निस्कासन नगरिएको सहप्रवक्ता राजेन्द्र पण्डितले जानकारी दिए।









