काठमाडौं। माछापुच्छ्रे बैंकले कास्कीको माछापुच्छ्रे गाउँपालिका ३ मा शाखारहित बैंकि सेवा सञ्चालनमा ल्याएको छ। बैंकको यो १३औं शाखारहित बैंकिङ सेवा हो।
यहाँबाट खाता खोल्ने, रकम जम्मा गर्ने र झिक्ने, रेमिटेन्स भुक्तानी र कर्जा आवेदन गर्न मिल्ने सेवा उपलब्ध हुने बैंकले जनाएको छ। यहाँबाट रियल टाइममा खाता खोल्न पाइन्छ।
बैंकका ६२ शाखा, चार एक्सटेन्सन काउन्टर छन्। बैंकका ८६ वटा एटिएम सञ्चालनमा छन्।
