काठमाडौं।सरकारले सार्वजनिक संस्थान निजीकरण नीतिप्रति ब्याकट्रयाक हुने संकेत गर्दै विगतमा लहडका आधारमा निजीकरण गरेको आरोप लगाएको छ।
सरकारले शुक्रबार सार्वजनिक गरेको श्वेतपत्रमा निजीकरणको अभ्यास मूलत असफल देखिएको भन्दै विगतमा अध्ययन र आवश्यकतामा नभर्इ लहडका आधारमा गरिएको उल्लेख छ।निजीकरण गरिएका संस्था निजीकरणको उद्देश्य अनुरुप सञ्चालन हुन नसक्दा सेवा, उत्पादन र रोजगारी अभिवृद्धि हुन नसकेको श्वेतपत्रमा उल्लेख छ।
निजीकरणको लागि अवलम्बन गरिएका तरिका (मोडालीटी), मूल्याङ्कन (भ्यालुएसन) र प्रक्रिया(प्रोसेस) यथार्थतामा आधारित भएको श्वेतपत्रमा उल्लेख छ। लिजमा दिइएका सार्वजनिक संस्थानको भाडा रकम प्रचलित बजार दरभन्दा निकै कम रहेको उल्लेख गर्दै सम्पत्ति र व्यवसाय हस्तान्तरण गर्दा नेपाल सरकार र निजी लगानीकर्ताहरुबीच भएका सम्झौताको कार्यान्वयन हुन सकेको नसकेको श्वेतपत्रमा उल्लेख छ।