काठमाडौं। राष्ट्रिय बीमा संस्थानले खुला प्रतिस्पर्धाबाट प्रशासक नियुक्ती गर्न दरखास्त आह्वान गरेको छ। संस्थानले योग्यता पुगेका इच्छुक आवेदकलार्इ शिलबन्दी बोलपत्रबाट १५ दिन भित्रमा निवदेनको लागि खुला गरेको जनाएको छ।
प्रशासकको आवेदन दिनको लागि बाणिज्य क्षेत्रका कोर्षमा न्युनतम स्नातकोत्तर गरेको हुनु पर्नेछ वा चार्टर्ड एकाउन्टेन्सी गरेको हुनु पर्नेछ।

संस्थानका अनुसार व्यावस्थापकीय क्षेत्रमा कम्तीमा ५ वर्षको कार्यअनुभव भएको साथै नियामक निकायबाट प्रमुख कार्यकारी अधिकृत हुन अयोग्य भनी तोकिएको अवस्था नभएकाले आवेदन दिन पाउनेछन्।

व्यक्तिगत विवरण बाहेक आवेदकले ५ हजार शव्द नबढाइ व्यावसायिक कार्ययोजना बनाइ अर्थमन्त्रालयको वित्तीय क्षेत्र व्यवस्थापन महाशाखामा पेश गर्नु पर्ने संस्थानले जनाएको छ।
दरखास्त आवेदन दिँदा ३ हजार रुपैयाँ आवेदन शुल्क तोकिएको छ।