जोशी भन्छन्, ठूलो निक्षेपलाई आधार लिएर व्यवस्थापकीय क्षमता देखाउने हो भने, बैंकले तुरुन्तै बजारमा दश अर्ब रुपैयाँ पठाउन सक्छ, बैंकले त्यसलाई दिर्घकालीन लगानी पनि गर्न सक्छ । यसको अर्थ हो, बैंकसँग पूर्वाधार क्षेत्रमा लगानी गर्ने एउटा आधार तयार भएको छ ।

राष्ट्रिय बाणिज्य बैंकसँग एक खर्ब रुपैयाँ निक्षेपको अर्थ हो, अब बैंकसँग काम गर्ने क्षमता विस्तार भएको छ । अब राष्ट्रिय बाणिज्यले बैंकिङ्ग उद्योगलाई ‘लिड’ गर्न सक्छ ।  बैंकिङ्ग उद्योगमै राष्ट्रिय बाणिज्य बैंकको निक्षेप व्याजदर सस्तो छ । अहिले स्ट्याण्डर्ड चार्टड बैंकले निक्षेपमा सबैभन्दा कम व्याज दिन्छ, त्यसपछि कम व्याज दिनेमा पर्छ राष्ट्रिय बाणिज्य बैंक । कम ब्याज दिंदा पनि ठूलो मात्रामा निक्षेप संकलन भएको मात्रै छैन्, दु्रतगतिमा पनि भैरहेको छ ।
—

यसरि पुरानो ठाउँमा फर्कदै जान थाले पछि ग्राहकको गुमेको विश्वास पुनः आर्जन हुन थाल्यो । बैंकले दिने ब्याजदर छिटो छिटो तलमाथि नभए पछि अरु बैंकसँग कारोवार गरि रहेका ‘प्राइम क्लाइन्ट’ बाणिज्य बैंकमा फर्किन थालेका छन् । सस्तो पुँजी लागतका कारण कर्जामा बाणिज्य बैंकको ब्याजदर अरु बैंकको भन्दा थोरै छ ।