काठमाडौं। चालु आवको तेस्रो त्रैमाशमा ५१ प्रतिशतले नाफा बढेको सानिमा बैंकको सेयर मूल्य ११ रुपैयाँले बढेको छ । बैंकको यो अवधिको नाफा ३२ करोड रुपैयाँ पुगेको छ । तर छ गुणाले नाफा बढेको सगरमाथा मर्चेन्ट बैंकिङ एण्ड फाइनान्सको सेयर मूल्य दुई रुपैयाँले सस्तियो । ९८ प्रतिशतले नाफा बढेको कन्ट्रि डेभलपमेन्ट बैंकको सेयर मूल्य भने आठ रुपैयाँले वृद्धि भएको छ ।
बैंकहरुको लागि पाँच प्रतिशत स्प्रेड दर (निक्षेपको व्याज र कर्जाको व्याजको अन्तर) तोकेर असारसम्मको समय दिएको नेपाल राष्ट्र बैंकलाई अन्तर्राष्ट्रिय मुद्रा कोषले यो दर खुला छोड्न भनेको छ । बैंकहरुहरुले स्प्रेड दर तोक्दा व्यवसाय र नाफामा यसले असर गर्ने भन्दै आएका थिए । बैंकिङ क्षेत्रका लगानीकर्तामा यसले समेत आशा जघाउने भएको छ ।
बैंकहरुको लागि पाँच प्रतिशत स्प्रेड दर (निक्षेपको व्याज र कर्जाको व्याजको अन्तर) तोकेर असारसम्मको समय दिएको नेपाल राष्ट्र बैंकलाई अन्तर्राष्ट्रिय मुद्रा कोषले यो दर खुला छोड्न भनेको छ । बैंकहरुहरुले स्प्रेड दर तोक्दा व्यवसाय र नाफामा यसले असर गर्ने भन्दै आएका थिए । बैंकिङ क्षेत्रका लगानीकर्तामा यसले समेत आशा जघाउने भएको छ ।
केही दिन देखि घटेको बजार सुधारमा देखिएको छ । नेप्से ७.३८ अंकले बढ्यो। मंगलवार बजारको नेतृत्व भने बीमा समूहले लियो । यो समूहको परिसूचक एक सय २४ अंकसम्म बढ्यो । बजारमा कारोबार भएका सबै समूहको परिसूचक बढेको छ । कारोबारको एक घण्टा अवधिसम्म घट्दो क्रममा रहेको नेप्से परिसूचक त्यसपछि भने वृद्धिको दिशामा देखियो । बैंकिङ समूह २.९५, जलविद्युत् ८.१६ अंकले बढेको छ ।
बैंकिङ समूहका सानिमा, कृषि बिकास, बैंक अफ काठमाण्डु, सन राइज, एनआइसी एसिया, सिद्धार्थ बैंक लगायतका बिक्रीकर्ताले मूल्य बढि पाए । बीमा समूहका हिमालयन जेनरल इन्स्योरेन्स, लाइफ इन्स्योरेन्स, नेपाल लाइफ, नेशनल लाइफ, एलायन्स इन्स्योरेन्स, सिद्धार्थ, प्राइम लाइफ लगायतका कम्पनीहरुको मूल्य बढेको छ । हिमालयन जेनरल र लाइफको सेयर मूल्य करिब १० प्रतिशतसम्म बढेको छ ।
बजार बढ्ने दिशामा जान सक्ने संकेतको रुपमा मंगलवारको वृद्धिलाई हेरिएको छ । लगानीकर्ताहरुको चाप विस्तारै बढेको बजार स्रोतहरुले बताएका छन । पर्ख र हेरको अवस्थामा रहेका लगानीकर्ताहरु पनि लगानी गर्ने क्रममा रहको उनीहरुको तर्क रहेको छ ।
काक्रे बिहार बिकास बैंकको पनि सेयर मूल्य नौं प्रतिशतभन्दा धेरैले बढेको छ । कारोबार रकम पनि बढेर २६ करोड ५८ लाख रुपैयाँ पुगेको छ । कुल बजार पूँजीकरण आठ खर्ब ३१ अर्ब रुपैयाँ पुगेको छ ।
काक्रे बिहार बिकास बैंकको पनि सेयर मूल्य नौं प्रतिशतभन्दा धेरैले बढेको छ । कारोबार रकम पनि बढेर २६ करोड ५८ लाख रुपैयाँ पुगेको छ । कुल बजार पूँजीकरण आठ खर्ब ३१ अर्ब रुपैयाँ पुगेको छ ।